What Happens In Vegas

好耐冇寫blog，因為最近好忙。五月尾果陣去咗Las Vegas玩咗三日之後，一直冇停過學校功課同排戲。

講番What Happens In Vegas... 今次去其實係為咗睇楊千嬅All Above Love美加巡迴演唱會，開Show之前喺賭場冇乜嘢做，唸住入一蚊美金入老虎樹消磨時間，點知竟然中咗獎，有二十蚊美金出番嚟，勁興奮！即刻見好就收，攞咗果二十蚊食嘢。

估唔到嚟到美國都睇到香港的演唱會，大致rundown同香港上年果個差唔多，不過觀眾反應好熱烈，都encore咗好多次，最後唱完「飛女正傳」同「楊千嬅」，加送「閃靈」.....

而美加演唱會的特別嘉賓，就係...... 登登登登...... 巫啟賢先生... 佢冇唱「心酸的情歌」，但係唱咗「太傻」，突然間，好似番番中學的日子。

Vegas之旅，係咁食，好飽好飽，但係非常開心。