同房

由於我同房成日都開電視開到好大聲，久而久之習慣咗帶埋自己的電腦去到coffee shop上網同做功課。一杯熱咖啡或者一杯熱茶坐上整個晚上，竟然覺得仲悠閒過喺自己間屋。

其實同同房住跟盲婚啞嫁其實冇乜分別。夾就夾，唔夾就唔夾。我的同房係一個十級長氣同極度挑剔的人。他一天會擔心一千樣事情，然後每日哦足一個鐘，搞到我終於都頂佢唔順，搵咗一個新地方下個月搬過去，而喺呢個過渡時期，我就暫住喺我一個西班牙同學的apartment，住了一個月，大家竟然夾得很，有時候人同人相處真係人夾人緣，希望新地方的新同房會係一個夾得來的人吧。