人氣爆燈的牛頭角下邨

牛頭角下邨，點解人氣爆燈？

事關呢度人口密度非常高，而且又是下輪清拆既目標，所以每日都吸引了不少攝影愛好者黎影影影，為這個很有特色，很平民化，市區買少見少既舊型屋邨留下倩影．

時事觸角非常靈敏既小桃，呢日就帶住井底小蛙黎見識下喇！

最有特色既就係呢度好多大排檔，至少十幾二十檔，好有風味！

大排檔係香港已經買少見少，好懷念見到人係個大獲度炒呀炒，ｄ火"化"下"化"下咁，幾勁幾有獲氣呀！

而且倒水好鬼方便，就咁將個杯一揮，ｄ水飛落坑渠口就算，幾咁豪呀！

不過如果而家仲做，唔罰＄１５００真係偷笑！

呢條邨有無數條又黑又長又陰深既走廊．（令我諗起以前住宿舍條走廊！）

ｄ人左穿右插咁就可以行到好多捷徑，我同小桃呢，就左穿右插之後都唔知去左邊！

不過呢個都係一個特色，因為佢地唔係普通既走廊，裡面有好多店舖，好多招牌，著晒ｄ燈箱牌都幾靚，真係第二度都睇唔返呢個奇景！（不過可惜影唔到，黑得濟！）

呢度好多舊式既上海飛髮舖．

小桃呀，不如我地搵日白撞入去，問人地影唔影得相啦，你咁鍾意ｄ"登"麻，最多我出馬喇！

就係影呢張相我比人鬧喇！

話唔影得相喎，我同小桃就扮傻，繼續影，影完即閃！

－－－－－－－－－－－－－－－－－－－－－－－－－－－－－－－－－－－－－－－－－－－

後補幾張伯大尼菲林相！

－－－－－－－－－－－－－－－－－－－－－－－－－－－－－－－－－－－－－－－－－－－－

再黎幾張菲林薄扶林村！

想借機讚一讚呢度ｄ人，真係超級友善呀！ 由爽快既店鋪老板，到仁慈指路既大兄，到村門口友善既士多嬸嬸，全部都係大好人！

最後呢張相，為多謝熱誠多返既資料提供，送多張燈柱相比你！