唔抵可憐的嬋嬋

以我呢個正義朋友化身嘅人嚟講，真係無奶油睇住一個嬋嬋比個壯男勁鬧都唔幫拖嘅，之但係今次就出現左一次例如嘞!

案發現場係旺角弼街X景粥店(請注意！呢間粥店勁抽搶錢，如非必要，切勿進入!)
案發當日，我响度等緊兜粥同條油炸鬼外賣；
呢個時候，有一名壯男(叔台)行入此(黑)店；
佢同收銀落order，叫左一碗艇仔粥同一碟腸粉外賣；
收銀大叫："艇仔，齋腸行街!!!!"
然後壯男就行近取粥counter，
拎出一個圓筒型的lock&lock密實盒
密實盒大小適中，而粥店的職員亦沒有反對，似乎已默認此容量合乎規格！
原來壯男如斯環保！

呢個霉聞，
其中一位職工嬋嬋竟然語出驚人!!!!!
"碟腸粉係咪倒埋落個兜度呀?"
壯男回道 : " 你見唔見到我帶左幾多個兜嚟呀?"
嬋嬋作答 : "一個"
壯男火起 : " 咁你仲問咩呀?"
嬋嬋找屎 : " 所以我咪問你係咪將d腸 粉倒埋落去囉!"
壯男立袖 : " 你見到得一個兜，都知道我無帶嘢嚟裝腸粉啦！"
嬋嬋死撐 : " 我點知你係咪鍾意撈埋一齊啫!"
壯男失控 : (全程粗口仲要係超級"巨"聲)

各位！我地可以响呢件事入面睇到d乜呢?
(1) 環保的人的未必係斯文人
(2) 好男未必不與女鬥
(3) 有腦袋的人未必會用腦
(4) 職業無分貴賤，但sense 有分有/冇

後記 : 個壯男(叔台)除左喪插嬋嬋之外，佢慶到爭d跳入去廚房咁滯，當時情況真係一發不可收拾，我都唔願留底睇熱鬧喇，點知會唔會滾粥亂飛架！

同場加映我呢期至愛零食 : 

                    

      


               好好味嘅紫薯薯條嘅呢! um....好有薯仔味呀! ( 麗梅姐上身)