番工筆記 - 番外篇之女奴肥三日兩夜出差日誌 (7)

(接上篇)

就點解會食左3hrs lunch，等我响呢度解釋多少少先！
我地呢個行程一嚟係諗住要北京廠就質量問題比個解釋嚟聽下，二嚟係同佢地斟斟個賠償方案，三嚟係想睇下北京佢地自用的projects有冇同樣存在住質量問題咁.....

宜家明白點解會食lunch食左3hrs啦！因為佢地(北京廠)都冇心同我地坐低傾，响間廠就只係帶我地行嚟行去，跟住就話食lunch嘞；食lunch時兒化七又唔方便講出嚟破壞氣氛，到食完lunch，想睇下佢地d projects ( plural 眾數)，最後求其帶我地去1個project ( singular 單數) 望下就算嘞！

個身係咪有屎？畫公仔就唔使畫出腸啦！　

美其名：哎吔！你地咁遠水路上到嚟！無理由唔帶你地週圍行下嘅，係咪？

我地個個都嚟過北京架嘞，有咩好行呀仲？

　　
                                          瘦到癲的馬仔，陰功仲要拉車！

　　
　　　　　　　　　　　　　求求其其影下啦！　

      
       無端端停車叫我地行左上一條天橋名叫"如意橋"，一排的盤古酒店.....
       原來呢個係龍頭.....

      
                                                    呢邊係龍尾喎!

   　
       　　　　如意橋上望過去，遠遠遠地pend埋去，係水立方。
　            (點遠法? 好似灣仔碼頭天橋上面叫你望金紫荊廣場咁囉! ) 　

      
　　　隔離係鳥巢。(我真正體會到"可遠觀而不可褻玩"係咩嘢嘅感覺喇! )

        
                       鴨仔團上返車，一路行一路影.....國家體育館喎! 

       
                         　　　　　　 矮d嗰排，選手村喎！

       
                    唔係下化? 天安門廣場都嚟埋? 當正我地真係港燦喎! baby

       
　　　　　　　　　　　新加架喎! 一碌代表一個民族.........
　　
　　    
　　　　　　
　　
        
　　　　　　　　　　影到燈到著埋，肯走未呀大佬？　
                                   7:25pm火車呀! 要預埋堵車(塞車)時間架! 

       
      　 呢個trip我認為最可取的一點就係終於買到08奧運火炬lighter嘞！　

      
因為坐火車返濟南要3粒鐘，而山東人係無食宵夜嘅習慣，所以我地要响上車前求其搵d嘢食左先。北京廠班牛鬼蛇神帶我地去食地道北京炸醬麵，佢地仲話為代表對碗麵嘅尊敬，我地必須食到雪雪聲(咁似日本人嘅?)。

而我對碗麵真係尊敬到唔可以再尊敬了，因為我尊敬佢到唔郁佢嘅地埗....
大佬! 3點半先食完lunch，家下6點，兩個半鐘頭後，你又叫我再食過，我雖則都幾擦得，但都唔代表兩個半小時我可以消化晒我個胃入面嘅嘢啫! 我一早話我食唔落，係你地叫架咋！折墮由得你地折飽佢！　

　　　
　　    　　終於踏上歸途喇！望住呢個北京南站，點解咁似赤臘角嘅? 
                    原來真係向我們香港國際機場致敬嘅! 好一個copycat的民族! 

            
                                               153人仔，唔算平呀！　


又一次準時開車嘞！　

一心諗住第三日(最後一日)可以訓晏d，兒化七又講d惡耗出嚟嘞!

七 : 聽朝8點食完早餐，8點半你同拍娜彪就check out，跟住我地仲有3個地方去....
我 : 我地12:15機喎!
七 : 夠時間架嘞!

唉! 我好the呀真係.......

       

　　                                                                                              (待續)