踢爆"菜潺"嘅所謂品味

小雞：

收到你的密令後，我馬上碌左去大記攦粉實地考察，睇下好唔好食，有冇"菜潺"佢地講到咁特別咁好食；以下係我今日LUNCH嘅全記錄：－

　　
　　位置：旺角差館水平的太子道西向大角咀方向，過左彌敦道第一個街口
　　　　　的砵蘭街，見到mini大家穫行前多兩個鋪位。
                    (希望你明我講乜，事關我唔知自己寫乜！)

       
        叫左墨魚條攦粉(25元) + 可樂檸底(12元, 跟餐半價即6元)餐。共銀31元。
        可樂檸底同攦粉都嚟左，墨魚條未嚟。
　　阿姐 : " 靚女，食住先啦！"
　　好！就憑你叫我"靚女"，我比面你，我食！！！！

　　　　　
        　　　　　　　　等左5分鐘，墨魚條終於現身。

　　
　　　　　　　　　　　　　　一家團聚
　　　　　　
　　食評如下：
　　攦粉 - 分清湯，酸辣，麻辣；是日我選擇係酸辣(中度)。
　　　　 - 質感無甚特別，5個字講晒 : "淋d嘅米線"
        配料 - 是日我選擇係墨魚條，係綜合左openrice食評而得出
                   最受歡迎嘅一種。
　　　　   呢個餐一家三口嚟計，以呢幾碌墨魚條最令我滿意。
                   真材實料兼熱辣辣，外脆內軟，幾好咁啦叫做！

　　只可惜，食完個餐後都感受唔到"品味"呢兩個字！　

　　
　　　　　　　　                  哦！品味..........

       咦 ?! 點解Jacky Yu 余健志會變左餘健志架? 咁大個typo係咪盲架個printer?

      
     
       大記除左攦粉，仲有糕點係出名架喎！( 名家推介咁話啦! )

                    
                        10元3件，左起：鹹味茶果，馬蹄糕，椰汁糕。
            其實有N咁多款糕，聽聞最好食係杏仁糕，不過今日唔見佢出場。
                        又一次雷聲大雨點少，食落去又係不外如是啫！

　 肥之天使提提你：唔該响叫之前講明你會買10蚊,20蚊, 30蚊定幾多十蚊先!
                                     否則你比人喝狗咁喝唔關我樹喇！
　　　　　　　　　 ( Openrice已有人講過，今日見住兩個學生妹唔知訂找屎。)

    結論係 :
    行過可以食下，但特登去就唔使喇！

　　　　　　
　喂！我地去官涌食嗰間麵鋪係咪叫新華記呀？
　好似個名無咁長架喎！
    反而我好掛住呢間嘢呀！d嘢好好食!
    好好味嘅鯪魚球..

    睇過我以上呢篇報導你就知我都幾咀尖啦! 而我讚得咁緊要嘅梨花園你係咪同我
    一樣咁期待呢? 記住20號lunch留肚呀! 


                                                                                          肥三好
                                                                                                     上

                                                                                                   好食得
                                                                                                   好訓得
                                                                                                   好"抽"得