難得的聚會

09年6月19日 (FRI)

又要再讚多次facebook o既偉大, 繼上次小學同學聚會之後, 今次係中學同學, 話說早排大家add add下, 就add番好多同學仔, 於時唐唐就攪左今次o既星星同學會之夜喇, 雖然隔左好耐大家都未聚過, 不過見番面個個都雞啄唔斷, 特別係我地班女仔, 咩都講一餐, 講番好多以前讀書時o既笑料, 不過有d我都唔係好記得, haha! 因為今次出黎果d, 好多都係以前玩開果班, 最friend o既faye、唐唐、Ci Ci都係度, 所以大家個感覺都好親切, 冇話因為耐冇見, 所以冇野講, 個感覺真係好好呀!

我地打完邊爐仲去左飲野tim, 因為有d同學仔要夜d先到, 所以只可join到下場, 咁難得約到咁多人出黎, 所以一於唔好比佢停, 繼續玩, yeah! 我諗就算比兩晚時間我地, d水都吹唔曬呀! 吹吹下就三點幾喇, 快樂o既時間真係過得快, 要返歸喇, 希望下次再有機會成班出黎玩過啦!

聚會之後令我諗左好多野, 以前細個時成日互相估大家第日會做咩工呢? 邊個最早結婚呢? 邊個最早生仔呢? 第日老公係點o既呢之類o既攪笑問題, 而家每個人都有自己o既職業, 有d結左婚, 有d生左仔, 有個屬於自己o既家庭, 果種感覺真係好得意, 好有親切感, 今晚真係一個好好的約會! 多謝攪手唐唐, 同埋安排下場O既Ci Ci!