Body check

09年7月10日 (FRI)

今次係我第一次做body check,去之前好擔心,擔心痛…擔心自己有病….事關我咁大個女連血都未抽過,加上我係一個好怕痛的人,又加上前排暈低過,好驚自己有暗病,哈…哈…總之咩都驚!

今次主要抽下血,同超聲波照下卵巢,仲有X-Ray照下個頭,因為我成日頭痛,overall冇事,好彩! 未做之前好驚抽血好痛,覺得好恐怖,最後原來打落去抽果時冇咩野,反而抽完之後隻手有d痛,仲有一樣野好奇怪,做完我問醫生,我係咩血型,佢話冇講明要check,佢地係唔會幫我check????真奇怪,即係我到而家都唔知自己係咩血型,係咪好攪笑呢,咁大個人都唔知自己咩血型!