熱到爆的璋木頭之旅 D2 & 3

09年9月5- 6日 (SAT & SUN)

今日我地plan左去游水、打波，到最後冇得游水，事原係我地點幾鐘起身啦, 梳洗好就落會所book場6點幾打羽毛球，yeah!今次終於book到喇，次次返黎都book唔到，book好場我地就去左尋晚食唔到o既湘菜館食lunch，呢間真係好正，我返黎都係為左食呢間野，haha! 又一顛事又發生，4個人叫左8碟餸，真係好少lunch會咁顛，當然最後係食唔曬啦! 食飽飽陪阿有去左百貨公司買泳褲，佢仲買埋泳鏡tim呀，我地仲買左個籃球同排球，打算夜晚打，真係唔知玩得邊樣好….買完就去左超市掃零食同紅酒，佢地話想飲喎，事關果個超市係勁大，仲要咩都有得買，我地行行下就知道唔夠時間游水喇，因為果時都成4點幾，我地仲未買完要買o既野，6點又book左場打波，最終我地決定打完波先再諗下夜晚游水。

嘩…我地o係個羽毛球場裡面又打羽毛球，又打排球，初初都驚比佢鬧，不過佢見到又冇話我地喎，咁我地當然繼續啦，呵..呵..話時話，好耐都未打過喇，o係讀書時期，排球對於我黎講真係好多回憶o家! 好彩book左一粒鐘咋，打一粒鐘已經極累，對於平時冇乜運動o既我，簡直做曬成年o既運動。

本來plan左打完波去食dinner，個個都寧願返屋企叫野上去食，事關全身濕曬，又累，返去沖個涼先食仲好。唔洗講，游水又放棄左喇，跟住佢地又講聽朝一早睇下起唔起到身游，哈…哈…冇可能起到囉 ^^食完野，攤抖左陣，就開牌喇，打到4點就瞓，因為我實在太累喇，尋晚又瞓得唔好，加上聽日下晏要走喇，我要早d起身收番好d床單呀，打掃下d地方先可以走人，同埋我地book左一點九食lunch，又係勁豐富，我地發覺，呢兩日lunch果餐都係比夜晚o既豐富得多，夜晚返而求其d喎，haha!

再見喇…可能下個月中秋再返黎，湘菜館等我呀!