打回原形

努力咗一排最終也打回原形，失落了幾天。這3個禮拜以來見過兩份工，其中一份仲要見咗3次，但我最想做同最有希望嗰份已turn down咗我，而另一份我都覺得無乜希望。我都知要預好幾個月搵工，但我真係控制唔到每日響度burn銀紙嗰種不安的感覺。

諗緊遲啲可能搬落去Adelaide，始終呢度連一個好熟的朋友都無，搵個可以得閒一齊hea吓的人都無。Adelaide反而仲有兩個friends，可以有個人見吓並同我傾吓計。我宜家雖然同人一齊住，但係同自己一個人住無乜分別，皆因佢一個禮拜起碼有2-3晚返自己老家瞓(因為佢好多friends都係嗰頭)。今個long weekend (Sat- Mon)仲誇，佢同我講話由星期五晚至下星期一晚都係老家瞓。

明日開始夏令時間，要撥快一個鐘，到時快HK三個鐘就,更難在網上見到friend啦﹗呢幾日令我稍為開心啲就係收到幾位太極班同學的中秋節email，佢哋都係媽媽級，雖然我哋未去到friend嗰種，但話晒兩年來差不多每個禮拜都一齊上堂，所以當我走時佢哋差唔多book咗一圍請我食飯我真係好感動。算罷，都係唔好再講，唔係我又會問自己點解當日會捨得拋下一切走咗去 …