Covermark草本漢方修護粉底霜評分

好耐好耐之前 (其實係九月尾), Covermark有個promotion, 就係你拎你舊既foundation去佢地counter, 咁可以用半價去買佢地既foundation.  我見可以用半價去換, 同埋可以試下佢地d粉底 (聽我個化妝師friend話佢轉sa用Covermark粉底), 咁我就去左Causeway Bay Covermark Counter度換喇.  我之前一直都想試用同出文, 但係可惜天氣都好潮濕, 我等到今個月乾d先可以試呀, 試左兩個week, 今日出文同大家share下我既感覺先.

睇下個foundation個樣先丫:

Covermark草本漢方修護粉底霜

我買呢個係20g (細size) 個樣, 係tube裝.

呢個係30g (大size) 個樣, 係一jar咁既.

價錢:  $450/ 20g & $600/ 30g (我用舊foundation換, 所以比左$225就買左個20g喇)

簡介: "含6種純草本漢方精製而成，包括靈芝、當歸、人參、薏苡仁、蘆薈及桃仁精華，能改善及修護膚質。粉質滋潤貼面防水防汗，能整日保持妝容舒適持久，高度防曬，能有效防止斑點形成。特別為亞洲皮膚設計之色系，為肌膚締造完美色調。"

產品特徵:

"1. 有效撫平因生活不規律或睡眠不足而引致粗糙的肌膚，緊貼肌膚，
持久滋潤。
2. 持久滋潤乳液狀粉底，有效抑止油份產生
3. 草本植物精華能改善粗糙肌膚
4. 有效對抗紫外線之功能，防止黑色素及色斑的形成 (SPF 18 PA++)
5. 不含香料成份
6. 透薄自然，適合任何季節及膚質
7. 根據 COVERMARK ＜真我肌膚底色＞理念而創製
長時間後都不會變得暗啞或蒼白
個人色調的粉底，隱形瑕疵如色班、細紋"

Texture:

枝出黎係比較creamy, 唔係好似Chacott HD Liquid個隻咁水, 但又未係Paul & Joe Foundation S個隻咁厚身 (想回顧按此).  係咪唔係好覺我邊度搽左foundation呢?  咁證明個色好suit我, 同埋個foundation係好薄喇.

使用次數: 13次

用後感: 呢隻foundation真係貴, 比$450都係得20g, 但係可以話真係一分錢一分貨 (當然平野都有好野啦, 好似Chacott咁).  首先係個色, 我買個隻係yellow當中最深色個隻.  我覺得搽上面, 唔係覺得一味白左 (有d foundation似係correct你skin tone, 咁搽出黎未上碎粉既時候會覺得勁有光澤地白, 呢d個色出黎唔自然, 人地會覺得似面具多d).  反而Covermark呢隻係同膚色好近, 搽完個面d膚色好even得黎無太勁既光澤感, 所以掃埋碎粉之後個感覺just right, 人地同自己都唔覺得搽左粉.  雖然佢係cream狀, 但係推開左之後超薄, 無話覺得佢好厚咁lup住塊面, 係面個感覺都好輕身, 真係覺得佢似皮膚既一部份多d.  遮瑕程度呢, 我自己覺得遮到紅同埋令個膚色好平均, 無孔都遮得幾靚, 不過如果你話斑點個d呢, 就要用遮瑕膏喇.  搽左呢隻foundation, 我覺得少左出油, 但係都有少少既, 不過唔多, 一整日黎講都係補一次妝就ok.  佢都算係好long-lasting, 用左成日都唔會點溶, 同埋唔會變黑面神 (即係唔會氧化).  佢貴得黎都係有佢既point!  如果下次再有半價呢d promotion, 我一定會去再敗. 

(the above information and photo are extracted from http://www.covermark.hk)