驚喜無限

3 Oct 2008

今日約左 7A 同學喺 TST 糖朝食飯，當晚主角就係我同 Irene 呢兩個壽星女！

講起生日，當晚都發生左一段爆笑場面！話說呢班好同學一早買左個蛋糕俾我哋，但係為左營造驚喜，大家一直都冇對壽星女提過，就算席間有人唔覺意透露左，該餐廳如果切蛋糕係有 minimum charge……，但係知情人仕都只係輕輕帶過，大家都希望將驚喜留到最後一刻，誰不知……，正當 Tomas 鬼鬼祟祟咁搵個侍應叫佢可以上蛋糕嘅時候，個侍應竟然……，講左一聲「哦！」（恍然大悟咁樣，我諗佢個心仲會話”哦，原來係咁咋嘛，懶神秘咁……”）……，而後就轉身，用超越平常人交談嘅聲浪，去吩咐一個三十尺外嘅同袍，然後話，「阿平，拎個生日蛋糕嚟喎！」

……爆笑……！

Anyway，好多謝各位同學﹑呢個侍應姐姐﹑以及阿平，為我帶嚟無限嘅生日驚喜……！Thanks！