滿載而歸

25 Jan 2009

雖然今日係年三十晚，但係屋企人嘅團年飯都已經一早食晒，所以今日反而可以同朋友仔去食飯！

夜晚約左 BoBo 食飯兼行街，可能因為年尾關係，個個都想買新衫新鞋過年，所以攪到成個旺角都係人……，最慘就係個個都有心消費，所以攪到 Dsales 都唔願﹑亦唔得閒去招呼你……，喺間舖頭睇中嘢，想問吓有冇碼有冇色，都好似冇人啋你咁，就算應左你都冇幫你搵……，唉，求人不如求己，如果佢可以俾我入倉自己搵，分分鐘仲搵得快過佢！！最後我哋差唔多行晒成個旺角 D 舖頭……，行到去新世紀終於都買到嘢喇，買到嘢嘅原因唔係因為呢度 D 服務得別好，而係……，我哋真係行到太夜，行到十一點幾十二點，嗰陣間間嘢都差唔多打洋，所以 D sales 們都想我哋快 D 買完快 D走……，不過點都好啦，呢個年三十晚，我哋兩個都可以滿載而歸！