而家D朋友仔愈來愈散，各有各忙，見面好多時都係一年一次，好似拜年咁，所以我都想久不久寫幾隻字俾大家睇下，等你哋知道我仍然健在！當然我都想你哋回應下我，等我知道大家安好！
好耐好耐冇聽嘅一首歌，超懷念！
細細個嗰陣（幼稚園左右），日日都睇叮噹（其實我唔鐘意佢而家叫做"多拉A夢"），我記得，每次做完都會播呢首歌，不過細個嗰陣記性冇咁好（可能有 D 字又唔明），而且當時又冇字幕（就算有我都唔識睇），到我大個 D，識背歌詞嗰陣，佢又冇左呢首歌，所以一直以嚟，我都唔識唱晒成首（淨係可以唱到畫完個頭咁多）……！尋晚，喺 youtube 睇睇吓嘢嗰陣，無意間俾我搵到呢首歌，仲要有字幕，哈哈，真係超開心，忍唔住要同大家分享吓！！
