我的同事．二

之前提到嘅同事，係屬於”非合作形式”，即係齋吹水，大家冇乜工作上嘅聯係，而今次，我想講講喺工作上有交過手嘅同事，以及遇到嘅問題！

同事A，佢話就話做 acct，但係冇乜 acct 嘅 concept（唔係讀呢科出身，佢主要都係做得耐咁解），冇 concept 都唔緊要喇，好多嘢做得多就自然識，但係佢做左八年喇，都仲係錯……！

簡單 D 嚟講，我哋公司做 trading，好多嘢都係左手嚟右手去，呢邊 purchase 完，轉個頭就 sales，講左十萬次，D 貨買賣一定要同一個月做晒，但係每個月都 check 到有嘢係錯！如果係 vendor 錯，咪叫佢改單囉，你係客，你問聲佢一定改（事實上的確係佢錯嘛），好喇，當人哋真係企硬唔改喇，咁如果人哋唔肯改咪你改 sales invoice 囉，不過當我發現嗰陣，我問佢，佢竟然話唔改得……，原因係 invoices 已經 send 左出去……，佢係咪白痴架，你唔識 revised 架？唔通錯都唔改咩？

呢樣都算喇，最慘佢唔感受到咩叫做 mth end，一早講左 D 嘢要10號前做晒，佢就次次都拖，我問佢齊未？佢就話 vendor 未俾齊……，頂你，你唔識問人架？你一早知10號係 deadline，你就一早問人啦，人哋唔俾你就唔追，俾我都拖你啦！最慘就係，今個月佢仲學人放假，講真，你要放假冇人唔俾你放，不過你明知 1-10 號係忙，你就唔好放啦，OK，你真係有事非放不可，咁你係咪都有責任喺餘下嘅工作天入面，做晒你應該做嘅嘢呢？？？不過唔係囉，佢放完假，夠膽死同我講話「唔好意思，我仲有好多嘢未做晒，10號前俾唔到你……」，其實我都預左，不過我期望佢13-14 號點都做晒啦……，最終17號先做好……，真係痴Q線，如果你明知做唔晒，你就 OT 啦……！

每個月有 D 特定嘢係一定有，做得幾個月都記得有邊 D expenses 係個個月都有（例如 courier），但係收唔到單佢就假設係冇，唔會催人問人，次次都係我發現左，問佢，佢仲答我話冇收到，大佬呀，而家唔係問你有冇收到，我係想叫佢叫人 send 多次嚟呀！

仲有千千萬萬咁多樣白痴嘢，真係都唔知由邊度講起……！