兵庫県赤穂牡蠣祭り

赤穂牡蠣祭り
1月至2月中　兵庫県　岡山每週都有蠔節活動
我地揀左2月8日响赤穂攪的一個去
貪佢較大型

七點起身
搬埋啲郵包去寄,便起程上路
九點開車,約十一點九到逹
赤穂海濱公園
開頭好担心,冇車位泊,皆因日本冇乜野攪,一有馬珠利,大家都會一齊湧入去

不過今次主辦單位好窩心,搵左個好多車位泊的場地舉行,人人有車泊永不落空

一進場,已有不同檔口擺賣小食
講明係蠔節,主菜當然係蠔啦,所以我地都唔理門口的店,直闖中場搵蠔吔

去到場中間,已見蠔龍處處

没有半粒米到肚o既我地,肚仔鼓鼓聲,分頭排頭輪蠔



呢條龍好長因為係免費o既
漁師答謝蠔

而最勁長龍係蠔面豉湯(呢條真係冇本事排,太多人)
天氣冷冷,啲蠔又咸咸地,大家都想黎一碗熱湯,暖暖肚嘛


頭ROUND 黎個炸蠔
可能好肚餓
所以覺得好好味


次輪黎果
牛油GARLIC炒
好香口,但有啲咸



最後黎果清蒸


預算帶定喇叭牌上路的我
因為晨早要執紙皮同寄郵包關係,竟然忘郤左呢個咁重要的任務
鬼叫自己為食,死就死
山長水遠,唔食蠔,唔通黎撈蠔呀!


除左蠔檔外
仲有大あさり同帶子

處處大蠔殼
唔洗扮!


有燒飯團,唔執輸又黎兩個


本人認為今躺最好食係呢粒燒帶子


最後差不多要走時,見到呢檔年糕檔
檀野口水流晒
食完一SET又一SET,有得食你好食喇,咪洗旨意我响屋企打比你食

講開又講檀野除左愛年糕外
蘿白都係佢命根
每每同佢去超市入貨時,佢都不其然自行放一LOOK响架超市車到(有時仲趁我不為意)
問佢請問買黎做乜呀? 我冇乜餸菜用到喎
佢答話...係以FOR 不時之需
即佢食魚時,可以隨時隨地有LOOK 蘿白過佢磨蓉用
你講吖嘛~~ 洗乜鬼鬼鼠鼠塞條蘿白落黎啫,又唔係唔比你買


臨走經過駅買店
買左啲米,年糕做手信




其實攪一個蠔節真係好要勇氣
皆因貝類呢家野,唔係人人受到,一日閒閒地有幾萬人入場,中毒機會何其高
我個腸胃最靈,邊度野食唔乾淨,我一食過唔夠十分鐘,即有回報
但今躺出奇地(別說啲蠔衛唔衛生先,量都係一個問題,食咁多好易攪長沙).一啲事都冇
可想言之呢度啲蠔真係又鮮又乾淨,怪不得,咁有信心年年攪啦!