執到金咁開心

今日係日本公眾假期.一點幾我先起身因為尋晚做到六點先訓覺

起身攪呢樣野,覆下MAIL唔經唔覺又三點,食晏又太遲,食晚又太早

唯有去食個BUNCH先

很喜歡檀野的牛仔LOOK

但番工LOOK,想打佢一身.我今日不斷讚佢型仔,叫佢擺下POSE,佢又制喎,真係人係要氹的(爆)

食完BUNCH 又係GYM TIME,足足做左一個鐘運動,跑步,踏單車,扭腰機,STUDIO 同器械我未玩,檀野話叫我練好個體能先.

除左呢啲可以游下水.做下池中運動.TRAINER 話响水中做運動比陸上成效高兩倍架,可惜我未買泳衣所以未游得住.,正確黎講我只得BIKINI 無奶油去做運動要攪到好似李珊珊咁攞埋條蛇去架..朱咪咪玩蛇你地幻想下啦..做人有MANNER啲,費時人地洗眼啦(笑)

做完GYM走去電器舖睇相機,又不自禁地走去按摩椅區..我恨左好耐喇,想買左好耐,但礙於我屋企太細喇,唔知放响邊度好..,而唔捨得又係事實.

期間見到PANASONIC 出左隻新MODEL,外型同一般SOFA無異DESIGN精美SIZE又細,即放左响屋企都唔覺眼阻定.試左十分鐘好想買好想買...

反正都係試,坐便宜按摩椅不如試埋其他啦.嘩! 點知坐左張天下無敵到位夠力,幾百個FUCTION的按摩椅...好心動呀...再望望個價錢 39萬YEN加個大交叉...不過不過..佢寫住19-23日係該店週年紀念,所以攪左個相談會....仲寫住頭十名顧客ONLY..有意請聯略店員,可能得到意想不到的價格....

跟住按到高潮的我,即係同檀野講...我....我...我要哦....

你快啲問下幾錢啦....點知個店員一行埋黎...呀生你好...你想出幾錢買呢張椅呢? 檀野答30萬吖....跟住店員就話喇...OH 你等等吖..我同MAKER傾下先...

跟住檀野走到我身邊話...嘩嚇死我呀,我第一次買野..人地問我出幾錢架...好攪笑呀!!咁都有o既... 咁我就話喇...人地都寫明可以相談啦...咁你出幾錢呀....三十萬???你好有錢....啦..有錢佬...人地講明係相談你緊係出個最低價等人還架啦...咁叉蠢架你...!!!

跟住檀野問我..咁你想出幾錢咁....我當然發揮我的關西精神啦..25萬啦(本來想講20萬添呀)..多唔買呀...冇錢冇位呀屋企..

店員番黎同我地講29萬啦,我回25時佢都嚇左一跳擦住汗咁講話我試試啦.又再打去問MAKER .不過END UP都比我地成到25萬呀.....我開心過執金呀..因為以我經驗呢個價錢真係超低價架..冇可能買到架.

老實說我從來冇物慾,就算攞住人地啲錢去掃貨扮豪殼都冇乜持別優越感零興奮..因為我深知自己只係一個比人委託的替身

但今次我真係可以話買咁多野以黎,最興奮最開心的一次....開心到SHORT左...

因為我做野好攰啦,我恨左好耐架喇.... 唔好以為檀野咁豪,我係用自己努力自己買比自己架.

いい買い物でした　うれしい　ひひひ~~大満足！！！

買完野帶著超開心的心情去食飯

今日又係中華料理,連續三天去左唔同中華料理食飯..

我估唔到西宮的中華料理可以咁好食..係每一間都咁好食,好少可架..

食來食去...我發現全世界最好味o既料理,就係中國餸..

良心小籠包

超大粒~!~

呢個担担面超多黑芝麻

由聽日起我又要做慳家勤勞小主婦咯

唔緊要,有得按摩做奴隸都願呀~~ 嘩哈哈哈哈哈