名古屋的最後仲夏夢

留下名古屋的日子不多於一個月

都幾趕下

面對我間雜物屋你都咪話唔頭痛.今次我提出可以掉得都請全掉咪再搬垃圾.

但掉垃圾都有學問,所以唔係話你想唔要就唔要,好那煩

BLOG友MIKE MIKE問我去到神戸洗唔洗分垃圾,當然要啦,但街邊的就唔知了.如你所願(爆)昨日隔離屋又過黎敲門,臨走都要執番我一劑. 又輪到我去在街分垃圾了!!又會咁啱,吹到啤一聲.

垃圾唔再多講了,因為由我開BLOG至今,講垃圾的冇十篇都有八篇冇謂多加描述以免人家誤會我麻寧煩吧(大笑) 看主婦BLOG的小童需由家長陪同.

兩年名古屋生活回想,第一次踏足此地時已經十分有好感,到走呢一刻都冇改變過,名古屋可能唔係大城市(檀野話係算田舍)所以大部份人都很親切..雖然話名古屋人愛SHOW OFF.但可能我日文差.又話者我更愛SHOW OFF 程度同境界比佢地高,所以對我黎講係接受的

名古屋地方寬廣住みやすい,超市可以扮蟹行..停車場位多任泊唔怕碰碰車..真係好好住,相比下我愛名古屋多過東京同YOKOHAMA.(但東京朋友多,呢方面好玩啲)

我一直覺得上天好眷顧我,當我在YOKOHAMA時,猶豫不決學車否時,搬到名古屋後,發現家旁就有一家學車學校..個劇本簡直係度身訂做寫比我去演.

在名古屋得到身體健康,得到一張車牌,得到一盤小生意,得到失去的自信心,最後還貪心得希望可以有一間大些的屋可做寫字樓.

一眨眼冇估到咁快真係要被掉職

神戸一個我未到過的地方...充滿期待. 今躺一行雖然係有少少敗走的意味,但希望在明天,有工作好過留在舊職望天打掛.所以由頭到尾我同檀野都没有一刻失落感覺. 呢種樂天知命的EQ不多不少係被檀感染番黎o既..

凡事可以有兩方面看,點樣睇決定人係自己.

好像今次一行,我又好呀Q的在想..唉上天咁鬼鍚我o既,之前冇幾耐先話想住大啲,而家又真係比我恨到喎..

雖知我地有住屋津貼.有一個期間如三年,五年或更甚.但期間若自行搬出個津貼就會自行完結.所以我地留在名古屋又想用津貼的話,搬就冇可能喇.(比較現實所以會物盡其用)

咁又同檀野講,個天日日好似都聽緊我說話..唔知點解咁錫我o既,係我真好運又好吖,樂天又好但我唔會寸唔會HILL (唔那識打),我會感恩,善事必多做,唔係第二時一次過還好攞命架.. (幾現實)

檀野話可能係你修番黎呢..先苦後甜嘛.(架架架架架) 心諗同你結婚真係修番黎喇,收養番黎吖嘛(爆)

我話我唔鐘意回望個喎,至憎無病呻吟,做人向前(錢)看..

餘下在名古屋的日子我地要好好ENJOY (有時間的話)

去到神戸要善待自己多啲.睇多啲野,享受多啲,唔好浪費無價的光陰

話時話神戸好似沿海果喎,唔通上主又聽到我想學風帆呢家野...??? (呀姐果度好似係港口黎果喎,你去行船咩)

丁屎咁大杯生榨粟米湯..我口大呀大佬,個匙細到可以玩吞劍呀..

前幾日食左餐ELEGANT LUNCH (我自己覺得啫) 哈哈哈哈

同檀野講左喇,我地又冇小朋友,著好啲,食好啲,玩多啲..咁先捱得有價值嘛

不過我大方自己吝嗇別人..自己食牛柳加鵝肝

檀野食燒鷄 (我其實冇虐待佢架,佢自己揀)

食完LUNCH再去食TEA,食CAKE

嘩!!老婆多謝你請我食旦糕呀..我好満足呀!!!!

下一站神戸..唔知再下一站係乜呢...可能係廣島..可能係福岡...可能係東京....

邊度都好...好開心自己有健康去體驗唔同野...同大家分享

註

明天我唔去睇賽車了,檀野一個人去...因為我病了...且工作繁多,最後放棄,希望呀檀野先生玩得過癮啦