四国香川県行

失踪左幾日,原因細妹黎左日本探我

而檀野就帶左我地去四國,同有馬溫泉玩

第一日四国行

四國為日本列島其中之一,以往為四國不同小國家,所以稱之為四國,即現的今徳島県、香川県、愛媛県、高知県。

四邊由海峽包圍著

瀬戸内海, 播磨灘燧灘,  来島海峡,  伊予灘鳴門   海峡紀伊水道, 豊予海峡, 豊後水道,太平,土佐湾, 宿毛湾

我對四國不太認識,只知讃岐UDON 好出名,高知聽講好鬼悶

但始終未去過,即管開車走一躺吧

神戸淡路鳴門自動車道 ,明石海峡大橋

我好鐘意影呢啲橋,覺得好宏偉好靚

由神戶開車,到差不多約二個鐘多便到香川

期間响SERVICE CENTER 留左一留,有展望台,有手信買,有表演睇

好靚的海峽

手信店,擠滿人

當然啦,香川真係幾悶下,有得買野仲唔買番啲咩

見到依澄媽咪買給細川的可愛手信

我有買番一啲..不過唔係送比人係賣比人(我係老實商人) 嘩哈哈哈哈

買過手信後,檀野車我地去食SELF SERVICES UDON

檀野話以前黎過香川當時仲好郷下下,佢試過去過一間SELF SERVICES,攞完UDON後,要加NEKI 蔥的話,就去店舖後的田割.

聽後覺得好得意,嚷著叫佢帶我去,我好鐘意割野架,尤其割馬撚啊...我係客家人你唔好笑我,我同你SAY GOOD MORNING 客家讀法之嘛!

一到四囯見到四面都係海,即刻聯想起啲魚,我係魚鷄怪.就問檀野,咁啲海鮮咪好正羅?

檀野話,應該都係架...

咁我即刻話,我食少少UDON OK喇,我要留肚,同你SHARE好嗎?

即時比佢反炳,SHARE 咩唔準SHARE!!! 160YEN一個UDON SHARE 乜啫,咁肉酸咁CHEAP!好細碗架咋! (係喇係喇冇MANNER吖嘛,小)

咁我自己私人整左份

是日三個人都係叫冷UDON

嘩!一進口,UDON有咬口又不UN (唔識寫),加上檸檬汁,醒目又不漏,好味好味,想再來一個添,你咪同我些呀添呀,挑!

果然名不虛傳的讚岐UDON,普通一間平平的店,已經十分好食

食完野我地爬上山,參觀寺(唔記得名又唔想摷)

老實說行程真係超悶無比!!!!唔知真係四国悶吖,定係我地冇編行程,所以唔知邊度有好地方玩(我地唔鐘意編行程,鐘意邊走邊玩,所以如有人問我意見同編行程,我是十分頭痛的)

寺內有對狸像,其中媽媽的造型十分可愛,BB仲飲緊奶架

此對像係求子o既

我冇求到, 因為GIVE UP 左,由佢啦

落山時攝

探完寺後,去左粟林公園

一個以前屬於貴族家內的庭園,而家開放給遊人遊覽.

所有松樹都輕過園藝師修剪, 變成一個十分美麗的日本庭園,另一邊仲有粟林添, 因為時間關係檀野瞒著我有粟林的真相, 沖沖走過公園一圈,就帶走我地,向有馬出發喇!

咁趕仲乜呀! 呀哥佢要浸溫泉嘛! 呀伯!

魚塘的魚,肥大到你可以座上去,玩那渣

又有小食,手信店

當然唔可以錯過!

排隊買乜!

買粟子雪糕呀

買時覺得好新奇,因為第一次見粟子軟雪糕

好好好好好味! 仲有粟子粒架!

走後比檀野寸

呢度緊係有粟子軟雪糕啦,話明呢度係粟林,即係有粟林嘛

我點知呀!!! 我以為係名之嘛

你夠叫井之口啦,又唔見你家前有口井

日本名有山有水,有河有川,點Q知呀我!

細心的日本服務

走後當然比啲神忽你,掃走啲塵啦

我地冇塵,不過係沙塵啫 ,設計圖片而矣

四国真係要溫一溫書先好黎,如果唔係真係唔好攪

除非黎打魚啦

而家明白點解依澄媽咪以前喊咁口了

點都好人一世物一世,有得去,點都去睇下o既(雖然不斷..X)

下一個行程有馬....

以上滴屎