六四 vs 三七

六四廿週年後感

今年係六四廿週年, 比起往年特別多媒體報導, 特別多人講, 尤其是議員, 個個都想乘機羅分

然而我又咁岩被裁, 百無聊賴, 就係屋企搵返套 "天安門" 出黎睇, 係三年前朋友借俾我 dup的, 又係電視睇埋d新聞特輯, 又再同朋友仔去埋燭光晚會

咁多唔同既資訊, 令我勾起好多回憶, 89年既片段都返曬黎, 當年仲係一個青年, 未識分是非黑白, 傻下傻下咁

到廿年後既今日, 反而會思考返, 作為中國人, 係應該去悼念當年既死難者的, 所以諗住之後每年都會繼續去燭光晚會

但同時間亦覺得媒體和議員過份激動, 好似做 show咁, 洗唔洗呀

如果中國政府係夠開明既, 應該要承認當年既錯誤, 公開道歉, 釋放民運人仕, 向死難家屬慰問, 
: "廿年前, 我地係做錯左, 所以我地由廿年前開始, 盡心盡力去建設國家, 令國家起飛"
嘩, 幾好聽呀, 仲可以大大聲咁寫落教科書度, 話中國政府領導人夠開明, 其實呢D野有幾難做丫, 簡單到暈啦, 只係中國人太愛面子吧

同時, 又睇左另一套戲, "南京, 南京", 麻麻地, 拍得好溫柔, 但令我想起我成十年前既一次旅行, 返團返大陸, 去到盧溝橋參觀, 個團好 hea, 好多時間, 於是入左去南京博物館, 睇倒好多當年日本侵華既資料, 我和女朋友都感受好深, 睇到唔想走, 但之後再繼續行程

最近, 又下載左一套 "張純如-南京大屠殺", 又令我好唔舒服, 對比起六四事件, 如果我地一年去一晚燭光晚會來悼念死難者, 我覺得應該要用300晚去悼念南京既死難者先岩

大家都好高調地傾談六四, 教自己五歲既小朋友六四既野 (但只會單方面灌輸), 原因就係我地呢代經歷過既, 口口聲聲話要傳落去下一代, 但自己就已經遺忘左上一代既南京大屠殺, 因為經歷過 1937 走日本仔既, 衣家全部都 77歲以上了, 大難不死既女仕被逼做軍妓,...........  呢一代既人已經唔記得曬喇, 點解 7月7日無晚會 ?  點解 7月7日無遊行 ?  係米d人太鍾意去日本旅行 ? 

呢一代既人無經歷過 1937, 就可以遺忘
1989年之後出生的下一代, 無經歷過 1989, 就被上一代教導要 "不可忘記"
咩野歪理

希望, 有睇到呢編日記的你, 無論你幾多歲, 花少少時間上youtube, 睇睇 1937 南京大屠殺 / 日本侵華行動, BT 戲黎睇下

如果你有下一代, 唔該教左佢 1937年先, 才再教 1989

註:  本人唔係左派