兩老

爹吔 76歲, 媽咪 74歲, 兩個老人家, 但唔知點解, 今年開始, 兩個都變左好多

爹吔知道自己有胰臟癌, 衣家無再渣的士, 退休, 日日係屋企, 好似好悶咁, 又無乜興趣, 無嗜好, 星期六日我地同佢去街, 佢成日都同其他人罵交, 執碗果個又俾佢罵, 隔離台個阿叔又俾佢罵, 媽咪話佢呢排成日都罵人(其他街外人), 爹吔話: 係呀, 轉 "死" 性丫麻, 個死字係 highlight 左既, 媽咪未知佢有胰臟癌的, 於是我地就話 :  唔好亂講野, 跟住又扯開話題

媽咪之前病完, 腸胃病, 但醫生其實到衣家都未check倒, 未確診, 唔知做乜, 出院後, 就即刻到爹吔喇, 我地無講俾媽咪知, 好難講得出口, 唔知係米大家都好照顧爹吔既關係, 搞到媽咪衣家成個細路咁, 飯又唔食, 成日要食雪糕, 食飽飯就訓係 sofa睇電視, 去到超市, 價錢都唔睇就亂咁買 d 垃圾食物, 一屋都係薯片, 仲要買

兩個七十幾既老人家, 都老左, 隻方都無乜傾計, 一個就知道自己剩返唔多時間, 另一個就日日都 dut 對方, 又話乜又話物, 點解唔可以珍惜眼前人

每次當媽咪又係到話爹吔既時候, 真係好想同佢講出個真相, 但真係超難講, 講俾當時人知, 都已經難, 但估唔倒講俾佢身邊既老伴聽仲難幾十倍