世紀賤男!

怒氣依然未燒!! 真係好嬲好嬲好激氣!!! 真係嬲到唔知由邊到打起好!!

基本上辦公室唔多唔少一定會有至少一個衰人!!! 呢個人通常好識做啲表面功夫! 自己嘢又唔做....把口又衰...又卸膊.....!! 總之好多人都睇唔過眼, 不過又唔會出聲~ 鬼叫佢得寵?! 但我同另一個同事又會成日睇唔過眼好鍾意話佢~  幫其他人出下氣~~ 其實我哋雖然同佢冇咩工作上關係, 不過成日幫佢接埋啲投訴電話, 比啲客鬧...!! 佢又唔覆人, 同番佢講, 佢又懶懶行, 又話係人哋有問題...................~~ 總之對住佢就忟!

今日佢令到我喊!!! 激死我喇!!! 自從去咗新房開會, 就放咗個風機入去, 因為怕太多人係到會焗! 點知好衰唔衰呢部機同呢個人都係正我隔離!!! 我又唔吹得風! 怕凍又會頭痛! 我又已經著咗風褸!! 所以我將部機擰歪少少! 但佢就係每次都係衰到一入O黎就擰個風機對正自己, 仲一定要吹到我先安樂果種...!! 尋日已經同佢有少少嘈, 不過最後我都讓咗佢! 但記住呢個係一個男人! 竟然要一個女人去讓佢!!!!!!

到今日火藥味到了! 我又係好早入咗佢, 就將部機搬去佢另一邊, 放咗係佢同另一個男同事之間!!! 好合情理O者! 依舊吹到佢咖!!! 點知佢真係一個超級賤人!!!!!!!! 一入O黎就的起部機搬番去我同佢隔離! 話放係果到阻住人行! 我真係十級頂!!! 佢今次仲推前咗放, 真係正式阻住人呀!!!! 仲要開到最大!! 我搬番埋啲, 佢又搬番出啲, 仲叫我調位! 嘩~ 咩男人!!!!! 我嬲到第一次對住咁多人面對面咁鬧一個人!!!!!!! "比啲風度睇下好冇?" 其他人見到我咁都覺得好好笑, 因為大家冇見過我咁嘅樣! 塊面仲嬲到紅晒! 連自己都FEEL到! 跟住有個好好同事話對住牆吹得唔得? 跟本就係個肥賤男怕熱兼鍾意同人鬥氣!!!!!! 佢態度依舊, 個樣依然係得得戚戚果種! 真係想扯佢兩把掌!!!!!!

而我.......死忍難忍底下都係忍唔住啲眼淚, 襯佢未流出O黎之際......好唔成熟咁交低自己手上嘅工作就行咗出去, 會都唔開! 番埋自己位, 對住另一個同事鬧鬧鬧, 佢係平時同我唱雙王話賤男嘅人! 當然佢同我日後唔會比佢好過!!!

我都有自己諗會唔會有啲大小姐要人"就"! 又發脾氣.....! 不過係因為呢個人...又真係一啲都唔會讓下人!! 放到O岩O岩好吹正佢都唔得, 係要轉到O黎吹到我先得!!! 如果佢一人讓一步, 唔開咁大又或者真係吹過少少, 我都唔會失禮係個會上大大聲鬧咗句!

但好在最後佢哋比我知道有問題嘅唔係我!  仲好多人安慰我, 氹我笑! 多謝你哋!! 而且有個最有口德嘅同事都忍唔住話佢真係冇咗啲風度!! 佢哋開完會...仲即刻諗解決辦法!!! 就係將部機搬去另一邊, 而佢個人都會跟住部機走, 搬去另一邊!! 哼!! 到時睇下你仲夠唔夠膽開到最大, 慢慢同黑面神坐啦你!! 係佢先治到你!!!

我真係未見過呢種cheap人! 一場同事, 大家就下都唔得!!! 開到口我會頭痛, 有人叫佢唔好吹到正......佢都係咁! 仲要一貫"我喜歡"咁嘅樣!!! 仲冇風度過女人! 真係死CHEAP精!!! 真係想打爆你個頭!!!!!!! 而家度氣都未消!! 你!!!! 唔好叫我幫你做嘢! 食自己啦你!!!!!!!! 賤人賤人賤人!!!!!!!!!