超忙12月

今個月真係好忙！在公在私都係忙到命都無呀.... 公司呢，因為下個月就開始 Maternity Leave，再加上出年要 Revamp，今年年尾要做好準備，重要招呼 Vendor，又要安排好 on leave 時嘅人手及搞掂所有 procurement，真係頭都暈！

在私呢... 都唔少嘢，妹妹下個月就出世，物品上無咩特別嘢要買，只係要添啲奶樽、尿片、奶粉 (希望唔駛咁早用得住，我會努力做好餵奶份工架！) 今次我諗住請個 part time 陪月，希望可以幫輕下，所以又要 interview 隌月員。唔只哩啲，重要諗埋放完 maternity leave 之後點樣安置好我兩個 sweet heart，單係媬母一個人都應搞唔掂，就算佢話得，我都唔放心啦～所以又要頭痛埋哩樣！

唔只咁，我又想趁住有少少時間，可以同一斑團契嘅姊妹們敍一敍，所以邀請佢哋喺 Christmas 期間上我哋屋企相敍。咁當然要預備一下啦，雖然主力都係 order party catering，但我點都要整返一、兩款 cake 招呼下大家先得架！公司呢，當然都有 Christmas Party 啦，我重要整個 Tiramisu 呀，所以有好多嘢要做呀，真係忙 c 希望我搞得掂啦！