27week@4D超聲波

10月24日(星期六) - 4D超聲波

今日, 又是見BB的日子, 兩星期前BOOK左曾祥風照4D超聲波, 之前日日都好期待呢一日, 因為可以再清楚D見到BB. 當日去到診所姑娘同我講, 因醫生今朝有急症所以所有診症都會延遲, 叫我去行下街先, 兩小時再回來. 唔緊要啦, 反正冇野做, 於是我去左永安百貨, 咁岩是一年一度的酬賓日, 勁減呀~~~~ 上到bb部, 嘩...d人多到不得了. 我都買左d 厚身既和尚袍/衫仔, 都幾平. 另外, 人氣既Aprica High Chair No.625 & BB車都真係減得幾多, 千幾蚊有交易了. 不過BB車已經有人贈送了. 至於呢張High Chair我都已經買左了.



行完返去診所，等左十分鐘就到我了，首先，睇下ＢＢ器官＆心跳正唔正常先。ＯＫ。。。冇問題。　咁醫生就轉去睇ＢＢ個樣啦。ＢＢ每次照聲波都會用隻手為遮住自己個面的，有時遮眼，有時遮咀，好似同你玩緊咁。真係唔知好嬲定好笑。醫生好好，好有心機慢慢用唔同角度照，又按下我個肚，等ＢＢ隻手放低就轉過去。玩下玩下不知不覺照左３０分鐘，可以因為出面已經冇咩客既關係所以比我睇咁耐。醫生比左15張相我(A4 Size) + 一隻DVD。

BB而家已經27 weeks, Size同重量都岩岩好match. Good!!!