沒有「老朋友」的日子第四十六天

可能尋晚瞓得唔係太好，精神差引致心情都唔係太好，真係承接前兩日嘅 down feeling…同埋今日又特別掛住「老朋友」呢﹗嘥氣啦，我日日都掛住「老朋友」 ga啦﹗

返到公司，又變成機械人 lu ~ 不過可能係心情差嘅緣故，上午都唔多想接電話，只係不停咁做 paper work。

都唔係係心情差影響工作力，抑或係工作力影響心情 lu…無論係邊樣差都好想同「老朋友」傾訴呢﹗不過我知道，我再係唔係都去聯絡「老朋友」、去騷擾「老朋友」，真係會令到大家好難去做番朋友，莫講話一切由朋友重新開始呢？終於，今個晚上，我 send 咗最後一個 sms 畀「老朋友」 ~ 「OK, i promise i will not contact and disburb u with any phone, email, sms, msn until you are ready.  And I would wait for you. Take Care」

一切一切，我都會等。

希望我對你嘅等待唔會為你帶來壓力。

呀，「老朋友」剪咗個新髮型，不過我都係喺 facebook 睇到咋，而家真係想見吓佢真人都幾難﹗只好喺呢度讚佢 lu ~

其實除咗讚佢個髮型之外，我真係有好多嘢想同「老朋友」講…不過我知道而家唔係時候；所以，都係嗰句﹕「我會等。」