人生

11/06/2009

每次六合彩有大額獎金，一班同事就會夾錢買，務求夾得多，中得快。今日我地決定用之前中左同買剩既錢，狙擊今晚既頭獎!! 如果中左，每人大概分到200萬~~

咁...如果真係中左，會點呀??

同事S: 我會放假......1日。Plan下同d女去邊到玩。不過其實200萬都夠我唔做野陪兩個女去外國讀書，佢地讀時我自己又讀~

我: 好喎~~ 可以full time讀書開心死~~

同事T: 梗係攞黎買樓啦，保值丫嘛。

我: 你既人生無咩想做想享受架嗱?

同事T: 200萬攞黎買層樓，轉個頭賺double呀。

我: 成日都係咁，你既人生完架喇。

同事T: 人生有幾多個10年? 梗係搵多d啦，買層高質素既樓。

我: 係囉，人生有幾多個10年呀? 搵埋咁多錢唔攤唔享受，d錢要黎做咩呀??

同事T: 留俾個仔囉!

我: 係喎，咁你個仔咪咩都唔使做囉~

同事T: 係呀!!

我: ............ (咁阿仔第日有咩做呢?)

人生應該有好多野可以做，有好多野可以試。

如果年青力壯、有氣有力、身體健康時唔做唔試，咁幾時做幾時試先好呢?

咁如果我有200萬，你估我會點做呢?