《小朗大改做》之失敗

由識小朗到而家佢個image都冇改變過

tee + 老牛 + newbalance

曾經著過一輪日牌tiger鞋

而家又著返newbalance

又好似曾經買過一對clarks嘅布鞋

威迫餌誘下喺我生日著過一次咁大把

其他的今期流行對於小朗而言

完全發揮唔到任何作用

好處可以話係慳返筆

壞處咪就係superdry囉

有日行街去左double-park

睇到有好多靚短褲

我同佢講.....

我：不如你試下著呢d褲啦! 我覺得好襯你勁型呀

佢：下... 係咩

我：我唔呃你囉~ 你諗下... 如果唔好睇我都唔會俾你著出街啦, 係咪

佢：如果買左咪又要買過哂d衫褲鞋襪嚟襯囉

我：係嫁.... 不過你都係時候要轉下樣啦下嘛

佢：我怕我媽唔認得我喎

我：唔會啦!! 可能佢會覺得阿仔終於開竅

佢：係?! 咁你會唔會心形眼先*註

我：會頂啦!!

前幾日放工就做了《小朗大改做》行動

落左旺角行了幾個商場都睇唔入眼

有d舖頭小朗直頭歧視佢

連行入去嘅衝動都冇

行動澈底失敗!!!!!

*註：→心形眼← 係一個形容我見到佢作出靚仔打扮時極愛的模樣

代表作有帶上rayban太陽眼鏡極似交警的俊俏樣