LTH x HipParade/Effector/OcularPlus

M話要換眼鏡, 但係我地又懶到死唔刻意去睇, 拖吓拖吓都搞咗幾個月, 其間只係喺愛視美睇中一副999.9 但係略嫌唔係好夠花臣. 卒之都有日的起心肝去咗九龍城賣 Effector 賣到出晒名嘅上目眼鏡去睇吓有冇好嘢.

舖內display 主要係 Effector, Japonism 同 Spivvy, 仲有大量太陽眼鏡 (無需要所以冇留意). 款式都唔算少不過要求多多嘅我地好快已經鎖定咗目標係呢副 Less Than Human x Hip Parade, 貪佢顏色唔太玩嘢返到工, 但係心有不甘咁貴副鏡佢又識得喺個底度透出紅綠色扮教堂玻璃, 又戴得咁鬼靚, 成交!!

陪老細買嘢嘅我都睇吓佢地有冇啲啱自己嘅嘢. 不過見咁貴都係唔好買算數. 點知店長先生一句 "你戴緊果副係唔係與市嚟?" Bingo! 你好嘢! 我就喺度配一副啦.

結果揀咗個 Effector

傳說中嘅七枚蝶番

店長先生話嚟緊會返佐佐木與市, 小竹長兵衛等等.

我又已經睇中咗一個 Spivvy x 與市... 我想下次配眼鏡都係揀返一半黑一半透明果個色, 硬係覺得好襯我.

我的佐佐本與市

成間舖各樣同購買過程都舒服愉快, 唯獨驗眼果個眼鏡裝著鏡片鬼咁實, 係唔合理咁實, un 到好痛. 店長有緣見到請改善.

上目眼鏡- 九龍城衙前圍道17~ 19號地下C 舖 #23831618