三年來最麻煩的一次

昨晚放工回來見白仔表現不同平時..點解成個身側左係左邊既???

個頭仲係左邊擺擺下...平衡唔到喎!!! 仲腳震震...

好擔心!!! 食左兩啖飯...就立即打俾各方狗友(NICMA, 樂寶MA, BUT MA),

想問問邊間有24小時急診?! 終於問到"吉媽", 佢話旺角勝利道有間....

又打去白仔平時睇開既沙田既獸醫"綠十字診所", 佢又轉介白仔去旺角自由道個間"24小時太平道寵物醫院 PAVC"....

結果飯都未食完就立即飛的去....

去到見獸醫...佢問我地白仔咩事??? 我話: 無暈, 無嘔, 無拉肚子, 只係企唔得穩...成個身側埋左邊!!!

獸醫將白仔展轉反側....按佢不同部位...白仔想逃避但佢又唔叫, 反而係度笑!!!

將白仔放落地下四圍跑, 仲跑得好開心, 笑晒! 睇唔出佢有咩異樣!

點知白仔去到好正常! ?真係好矛盾!

如果去到仲係咁既情況係咪好嚴重呢? 不過而家去到又咁正常, 係咪行順左, 即係少少扭親, 無咩事呢???

於是乎獸醫只係話觀察唔到佢有嚴重問題, 話佢可能扭親條頸, 叫我地三個星期內不可帶白仔去街街。

這幾個星期要儘量休息, 不可以劇烈運動, 不可與狗接觸, 不可以跳來跳去...

最重要獸醫嚴重警告: "永遠不可以同白仔玩扯毛巾, 扯玩具!!!"

無藥食, 無野渣, 入左去半個鐘就診金八百大元!!! 如果換來安心都係值得既!

回程時我倆一直想白仔點解會搞到咁???

1. 可能佢經常跳上床, 又跳番落去, 可能扭親!

2. 白仔身體又長又橫, 但手腳又短又粗! 會好容易受傷!

3. 我地係咪再要睇多次"沙田綠十字獸醫"呢???  (白仔由小到大都係睇呢個)

回到家, 白仔又再出現輕微少少側, 唉!!! 點解會咁架???  再觀察幾天, 或者又要去睇多次......

睇黎我地以後要學日本人咁...唔訓床, 訓"塔塔米"啦!