網誌分類：私の懷孕期 |
心情真係越來越複雜
, 點解唔用緊張去形容, 因為真係唔係太緊張....而家晚晚發夢...都同阿b 有關, 一晚發左三次我生阿b 既情景....另一晚發左幾次阿b無奶粉食...昨晚發夢要湊阿b...唔夠3個鐘就哭....要餵奶佢食.....攪到起身返工時, 無晒精神...
而家已經好早訓, 因為條腰好痛...子宮開始被壓, 有假陣痛既跡象....不過阿b 仍然郁得好厲害....好似早幾日電視做功夫...佢就好似o係肚度打功夫....而且佢而家好大力, 所以都會有d 痛....
講番假陣痛....聽人講有假陣痛, 都好可能好快生...所以昨晚就同老公睇下走佬袋d 野執齊未....發覺未帶阿b 出院既衫仔, 仲有老公個身份證影印本....
仲有就係...我覺得阿b 好快就會出世
, 覺得會畀預產期早....因為這幾日既感覺係好奇怪的, 唔知點形容...周身唔知想點...個肚又成日硬晒...不過上網睇d 媽媽講, 都好正常...而醫生都叫我行多d, 都生o個時, 都可以快d 生...唔洗痛咁耐
昨晚阿b 都郁得好勁, 都同老公講, 你要多d 睇下我個肚啦, 因為阿b 好快就出來, 二來如果我地唔再生bb, 就唔會再有機會睇啦嘛...
Mariemama 2008-10-12 11:22
原來妳是澳門居民^^~
一定順產成功呀 !!!!!
呢排香港"蘇"good嗰個節目介紹澳門嘢食..好正呀
Takako2008-10-13 09:12
我都係香港出世架...不過去左澳門住....之前都有諗過返香港生, 不過o係澳門生方便d...
係呀, 蘇good 介紹d 野, 好多人去買呀...
Mariemama 2008-10-11 10:53
wow ...可能真係就生得喇 ... 妳會順產嗎?
在邊間醫院生產呀? 行多D, 或者樓梯可以生得快D gar ~
祝BB健康活潑, 妳就話咁快生到阿B ^3^~
等妳的生產日誌呀!!
Takako2008-10-12 09:16
我係o係澳門山頂生架....希望可以順產啦....
Alice 2008-10-10 15:53
Takako2008-10-10 16:23
Winnie 2008-10-10 12:44
我都驚我會好似你咁成日發夢見到阿b,hahahaha~!
如果到時凍都買個暖爐啦,bb仲咁細~!
Takako2008-10-10 14:35
係呀, 好多野都要買呀, 而家買左抽濕機...遲d 先買暖爐, 因為市面暫時都唔係有好多選擇
Pigred 2008-10-09 13:15
Takako2008-10-10 09:47
Winnie 2008-10-08 18:43
好好少=好好笑
我打錯字呀~sorry
Takako2008-10-10 09:46
Winnie 2008-10-08 18:42
真係日有所思,夜有所夢了,不過好難唔諗,日期越黎越近,好容易畀左d壓力自己都唔知,或者bb想畀多d訊息畀媽咪?
阿b試打功夫咁勁,大過會唔會做李小龍呢?~哈哈!
我諗如果咩都準備好,如走佬袋、bb回家時用的東西齊未呀等等...當d野齊晒可能個心理會好少少吧!
bb出世記得post相出黎睇下,真係好想睇下佢個樣呀!
真係要睇多d你個肚,即使再生都可能唔同啦,有無用攝錄機錄住呀,可以第日睇番一定會覺得好好少,或者呢d係第時小朋友的性教育一部份~
oh~?點解會諗住唔再生呀?生多個開心d嘛~
Takako2008-10-10 09:46
我有用video 影我個肚呀, 有機會畀你睇下啦....我昨晚又發阿b d 夢啦, 發夢天氣好凍, 要同佢換片片, 換來換去都換唔到, 凍到阿b 打冷震....