海...

11月29日，本月最開心的假日(因為唔駛返工)，由於我都覺得好耐冇探婆婆，所以應承陪媽咪返西貢，同行有KIN、BOBO、哈樂B...

返到婆婆家，見親戚們已開兩抬麻雀苦戰緊，而表弟妹就圍埋一堆玩...

搵穩全屋都唔見婆婆，追問下至知原來佢係附近與鄰居打紙牌...

哈...我地家族都係好賭喇~

見哈樂B對門口單車仔好有興趣，好~咁姨媽就陪你玩...

玩玩下見到婆婆兩隻忠心義犬(唐狗)，哈樂B竟然豪不畏懼，夠膽摸佢地...但係安全起見，我都係帶佢遠離狗狗好D...

始終唔想哈樂B發生任何意外a~!

媽咪返到娘家最開心，佢仲提議拉大隊去海玩...

我地大大細細加埋表弟妹，共11人浩浩蕩蕩的出發...

帶隊時，突然覺得自己好似牧羊人帶著班羊仔，唔係上山食草，而係去海玩...

個個都勁開心，尤其哈樂B，成日要落地自己行...

海景好靚，加上陽光海風，更加正...

所以我地影左好多靚相...~

過幾年，期待哈樂B長大d，到時就可以帶佢去海捉娃娃魚、蟹仔，又可以執螺同掘蜆...!