網誌分類：PJ Yamm 系列 |
為慶祝我同 "大朋友" 嘅首個拍拖周年紀念做好準備, 12 月份要趕工! 由於我哋係「黏身」嘅人, 去街一齊、食嘢一齊、買嘢一齊......要暗中逛街 shopping 買禮物, 係一件好困難嘅事, 有時 "大朋友" 仲會打亂我嘅陣腳。
為隆重其事, 我覺得要親手做啲有意思嘅禮物:
禮物 1: 親手織頸巾。頸巾雖然唔係第一次織, 但起初技巧仍然非常生疏, 而且 so far 只會織低針, 同埋永遠都唔識起針同收針!!!! (真係冇天份!)
禮物 2: 喺十字針布電話套上繡 Precious Moments 公仔。繡花嘅時候, 真係覺得自己有幾分賢良淑德架! ^o^ 原來繡花係一件極花時間、精神嘅玩意。可以講, 嚴重考驗我嘅耐性、體力同視力。繡花嘅時候, 好幾次諗起《游子吟》中嘅一句: 「慈母手中線」。
禮物 3: 做蛋糕。話說, 我想試用屋企個電飯煲嘅焗蛋糕功能好耐, 亦因為 "大朋友" 咳咗好耐又未好番晒, 所以原先打算做紅桑子慕士/芝士蛋糕嘅計劃打消咗。整蛋糕嘅過程中, 出現嚴重事故, 皆因爸爸想幫手解決脫模嘅問題, 但佢忘記咗我做嘅係蘋果肉桂蛋糕, 上面舖滿蘋果粒 + 醬, 好迅速咁翻轉個蛋糕落碟 (大家應該可以想像到蛋糕變成點) ...真係有啲「血肉模糊」嘅感覺, 一下子欲哭無淚。爸爸出於好心, 於是我都唔想多說話, 但就非常困惱。最後, 靈機一觸, 松子仁同南瓜子救咗我, 可以用嚟遮醜, 效果仲唔錯, "大朋友" 仲讚蛋糕嘅設計靚之餘有特色添!
第一次食蘋果肉桂蛋糕, 原來味道唔差, "大朋友" 非常鍾意, 一個人食咗半個 8" 蛋糕, 最後只因想留俾我屋企人食而留手。好開心呢! <(@￣︶￣@)>
PM_precious_moments 2009-02-18 14:10
Halo,
^-^ .
We are the only one who sell the different Brand-New Precious Moments figurines & promote the " Precious Moments " on internet in Asia.
Please visit : http://hk.user.auctions.yahoo.com/hk/booth/pm_precious_moments
Best wishes,
PM_
( H.K )