執死雞同學

談談上課, 我有點怕上導修課, 尤其不論你有冇準備好都要進行討論、分享。"大朋友" 係上進勤奮嘅好學生, 早睡早起, 餘暇嘅時間大多會拿起筆記溫習。佢上課時嘅投入感總引我微笑, 甚似小學生。咁講並唔係嘲笑, 而係憑個人體驗, 當你每每升讀更高嘅級別時, 會發覺不論同學或自己都唔再踴躍發表意見、提問。但 "大朋友" 每聽到好論點, 佢會重覆用力點頭, 以示認同; 有疑惑時, 緊皺眉頭, 即時發問, 絕對不恥下問。佩服!  而我, 大概係典型學生, 課堂上沈默, 雖然會備課、參與討論, 但倘若身旁有喜歡學、喜歡問嘅同學, 就不期然依賴對方負責分享; 又不好意思要 "大朋友" 每次做分享, 至勉強答應負責一、兩條題目。

其實我想講吓課堂上一個有趣嘅同學。導師都體諒大家兼讀嘅辛苦, 所以有同學冇做備課嘅工夫, 佢係能夠理解嘅。某同學試過冇備課上堂, 但分組時不聞不問, 甚至可以話無參與討論又冇俾反應, 於是簡單嚟講只係得我同 "大朋友" 不斷討論。吖, 呢位同學唔參與討論, 但對其他同學稍有偏差或者唔完整嘅見解, 就有好大嘅反應, 一定會立即反駁或者做補充嘅工夫, 通常都係否定其他同學嘅講法, 非常招積, 我同 "大朋友" 暗裏幫佢起個花名叫「執死雞同學」。(忍!)