好攰!!

每日放工都好攰...我諗我就快頂唔順喇...

估唔到貢渣豆...1個月未夠, 竟然覺得好辛苦好大壓力...想放棄,

想搵朋友食下飯傾下偈...都有時間同精力, 成個人散哂貢...,

而家打字...都係檬哂眼去打...唉! 如果再唔呻下...真係屈到病呀!

我份人一向都比較低調, 係真係架...可以的話...成日唔出聲都仲得,

但係番左呢份工之後...講野o既機會多左好多, 實在係始料未及呀!

我見工明明係做化妝師架嘛! 點解要我影埋相, 仲要做埋sells架!

開頭影婚紗相緊係開心啦! 點知兩個禮拜就已經出左外影5次,

最慘係影完仲要執架嘛! 成幾佰張相...睇都有排睇啦! 更何況要執相,

真係執到眼都檬埋呀!...呢~!頭先就係由朝早11點...一路執執執執執..

執到夜晚8點幾鐘, 足足執左9個鐘, 唉..!對眼好Q攰囉!

7月11日至13日係婚紗展...仲要做左3日SELLS囉! 攪錯呀! 真係錯Q哂囉!

老闆簡直當我係人肉機器囉! 總之公司有乜野做...大部份都有我份囉!

真係...痴Q線架! 唔知...我係咪真係好恰D呢?

一份人工, 做3個人野...頂丫! 明明想舒舒服服做個化妝師...冇壓力, 唔辛苦,

點知要影埋外影...每次影完番來...都虛脫架! 因為天氣實在太熱喇!

連續5個鐘不停曬住影相...就算我係影痴...都會頂唔順, 更何況我對影相未去到痴,

仲要影來影去個幾個景...雀仔都俾我悶死, 唉! 真係悶到爆呀...影到冇心機呀!

5次外影...影左3次大埔火車博物館, 海濱公園, 三門仔...z+x+@#$%呀!

所以開始討厭...外影...好商業...冇哂自己囉! 起右此理......

唉!! 算喇...唔呻貢耐喇...對眼真係好攰...要覺豬,

我的朋友們呀...唔好離棄我呀...得閒同我傾下偈啦!

我就o黎谷爆喇!...早抖...各位!