Hello Connie & Kitty 布吉遊(一)

11.12.2006   09:52 am 天晴, 開始有d涼

(終於肯寫下個blog la, 返左黎香港幾日，仍然想放假，唔想做野，係時候take up 番d工作...)

3.12.2006--7.12.2006 = Connie & Kitty 布吉遊 (部份相片已放於相簿中...當然有好多珍藏唔比人睇la!!)

3.12.2006  天晴

一早8點幾已經去到機場，11:05am機，好興奮呀~~~泰國布吉，陽光與海灘， 30幾度又有咩可怕，最怕係晒黑，所以我d預防工作做到十足...

                                                                                               kitty第一次坐飛機

第一日根本就無乜行程，最主要你行下街，去左一間叫central既大型百貨公司行下，比我知道原來布吉無我想像中咩都無咁落後，我地買左d餵魚用既法國麵包...晚上去一間泰國餐廳食dinner(之後發覺餐餐都係食類似既野!!)，之後好早返酒店，一入房間...oh~~有d失望，原因係無想像中咁靚。

4.11.2006 天晴

第2日先真正睇到間酒店係咩樣，其實酒店個環境係ok, 位於遊艇會，環繞酒店有好多游艇，睇睇下又唔錯，可能係我自己一開始期望太高la!!

第2日我同kitty就坐快艇出海去鳥蛋島同甜蜜島，玩浮潛、餵魚仔，le日對我來說係最精彩的一日，亦係我認為成個團既精華所在....

wow~~~個環境靘到殺死人，我最愛既陽光與海灘終於係我眼前，一向影相唔係好叻既我，求期用相機亂拍一張，也可以變成一幅wallpaper，好享受le d 環境，令人咩壓力都無晒，之後我去左玩浮潛同餵魚仔，其實我好驚d魚仔，因為實在好恐佈，一大群魚係道爭麵包食，我企到好開餵佢地，因為我怕佢地以為我係麵包咬我...

之後我地又去左甜蜜島休息左半日，享受從未有過既「靜」...

5.11.06 第3日

我地去左騎大象行山路，好好玩呀...從來未試過咁近距離接觸大象象，好剌激呀, 之前以為好驚，原來上左大象之後又唔覺，大象象好叻ga, 好選擇平路行

                                                                                             (係大象上面...好高呀~~~)

當日下午又去左睇蛇表演，又去左浸spa, 嘩~~原來浸spa好舒服，一身鬆晒~~不過好貴呀成1000港紙...我本著一生人一次的心態浸一次...好肉痛，原本想晚上行下芭東夜市，不過發生左少少事，有團友係浸spa果道比人開左個locker, 仲要報警(問題係連佢都唔知有無唔見錢...不過好難講，人在外地，係根本唔會知自己有幾多錢係身), 加上個日係泰皇生日, d人早收工...結果去到芭東咩都收晒...靜英英~~

                                           
                                           
                                            (好靜既芭東夜市~~~)

代續....