V6 返來喇!!!

終於都返來喇!!!

並不是由台灣返來咁簡單~

係我心中的V6 終於都返來~

今年我所有的時間~ 都放在ARASHI 度~

並沒有好好咁留意V6.........其實我真係覺得好對V6唔住!!

想當年~ V6就是我的命~ 我亦都覺得能夠成為V6的飯~ 是非常幸福的!!

同時亦覺得我是幸運的V6飯~

每次睇V6 & CC con  位置都非常好~ 今次taipei con亦不例外!!!

02年的hk concert~ hiroshi 對我揮手同玩的事~

竟然在台灣機場等V6 的時候~ 被一個剛認識的香港V6飯告知~

原來佢當時坐係我附近~ 佢見到hiroshi 同我揮手揮左好耐~~佢深深的記住~

02年hk V6 con hiroshi 的簽名板~比人放左上yahoo auction~

最後只用了$300 就買到......... 雖然不是親手接........不過有hiroshi 簽名~ 真係好開心!!

03年去日本睇V6 con~ 我超幸運的~ 坐1階5列時~ 接到ken ken 的簽名板~

雖然當時ken ken 不是我的大本命......... 不過我中學果陣~係CC 迷 & HIROSHI 迷~

所以一接到果陣~ 我真係激動到喊左出來........ 仲要喊左5分鐘~

每次看V6 con~ 我都得到大家的回應~真係非常感動!!!

特別係GO kun~ 佢真係好好人~ 佢見到香港牌~佢指住我~ 同我笑 (今次2場都係)

所以......... 22/11 果場con~ 井井問大家有冇走左去arashi果到.

雖然佢半講笑半認真~但我真係好內疚.........

佢之後仲話~ 唔介紹做第二名~ 只要繼續支持v6 就好了!!!

雖然喜歡arashi 都有9年時間~不過喜歡V6 更耐..12年............

2個團我都好喜歡~ 不想V6 跟ARASHI 要分誰是第一~誰是第二~

2個團都並列第一就好了!!!!!! 我要追回過去幾年~ V6的回憶!!

如果當年沒有跳舞~ 就沒有3年的J 家空白期~

um......... 不過我都沒有後悔的~ 始終跳舞都有美好的回憶~

而且我覺得懂得跳舞~ 好像更了解他們平日的工作~

所以我要繼續努力~ 從多方面了解他們更多...............

回到今次V6 ASIA TOUR IN TAIPEI~

第一場坐arena 39列..........看主舞台~ 真係幾辛苦~

不過超強的LED SCREEN~ 真係好靚~ 6個都好帥氣~

一開場的3D 效果~ 6個就好似申手就摸到~好正!!!

曲目~我還沒有記下來~ 但他們演唱的所有歌~我都好喜歡!!

第二首係TAKE ME HIGHER~ 當真take me higher~

我真係痴左線........... 我以為自己對hiroshi 熱情減左好多!!

點知一聽到lee 首歌~ 我就痴左線.........想當年我都係睇tiga 所以先鐘意佢!!!

而家一聽到~ 我個腦就只有佢一個!!! 真係得佢一個!!!!

仲有"翼になれ" 都係hiroshi 的~ 一聽就只有佢!!

6個係中間圓型舞台唱" サンダー バード- your voice" 果陣~

hiroshi 見到我個燈牌 (kaki 同mabel 都話佢見到~ 咁真係見到~ 嘻嘻!)

好開心佢地今次唱返好多舊歌~ 因為新歌我麻麻地熟......

而且舊歌氣氛好d~ 唱"愛の MELODY"的時候~ 大家都一齊做手勢!! 非常棒~*

當佢地6個走來我隔離的花道時~ 真係好近~

又一次被go kun 剎到~ 佢見到我個香港牌的時候~ 又比反應我!!! 同我笑!!

(kaki~ mabel 同aman 都係咁講........ 咁我應該唔係眼花.... 好開心)

次次都係go kun~ 佢真係對香港飯好好~ 6個之中... 對我最好~都係go kun

就係因為咁go kun 令我要劈hiroshi 條腿~ 已然變了GO 飯!!!哈哈!!

雖然位置比較後~ 不過走過來的時候~ 的確不錯!!

今場拿不到彩帶........... 心心~ 都係拿到一個爛的..........

本來無爛........ 又要有咁岩得咁橋~ 有一槐飛左係我心口~

我前面個台灣飯~ 偷襲了我的胸部~ (雖然佢係女人)

我護胸的時候~ 連自己原先果個都比佢整爛埋!! >.< angry de su!!!

到差不多完場的時候 唱"羽根～BEGINNING"～

又係中間的主舞台~ 又係有水幕效果~

同03年日本VV con 一樣~ 果陣我現場睇的時候~ 都已然好想喊!!

因為一聽到lee 首歌~就知道個con 就來完..........

加上首歌個melody~ 令人覺得好傷感~ 好似唔知幾時先有得見咁!!!

第一場V6 con 都encore 了3~4次~ 大家都唔願走~

值得一讚就係當初賣唔去的位置~ 都補得八八九九~

冇人坐果d 就用黑布封左~ 咁都冇咁顯眼!!!

雖然在場唔係全部都係V6 飯~ 不過當日氣氛非常好~

6個都high 翻天~  MC仲同准一唱生日歌~

因為准一是V6中最後一個是二十代~ 其餘都三字頭~

一講年齡~ 不其然視線又轉到LEADER 身上~

之後MASA 又係一個好尷尬的表情~ 全場一齊大叫LEADER~

之後佢就話~ 大家唔好理佢之類~ 要比D時間佢休息!!!嘻嘻!!

KENKEN 話終於都明白7年前MASA 的心情~

仲話年紀大~ 受傷之後康復得比較慢~ 叫准一要小心!!!

HIROSHI 在MC 之中講野唔係太多~ 因為佢掛住睇下飯的表情!!

佢仲話空檔的時候~走左去酒店附近食冬粉........

仲飲左D檸檬汁~ 佢話唔明白點解個杯上面寫住"おいし" & " かわい"　2個字~

點解會同一時間有lee 2個字出現.... 哈哈!!!

井井留意到有飯的uchiwa 上寫住" 我好窮"~ 哈哈~ 咁就吸引左佢地視線!!

井井話~佢地真係好留心睇下uchiwa 寫d 咩!!! 果然係真的!!

佢地都話~有留意到有香港飯~ 好感謝我地!!嘻嘻!!

其實今次我眼見都有幾十個香港飯~ 今次真係好感動!!!

如果佢地再去台灣~ 一定一定有更多香港飯去!!!

因為佢地6個真係好照顧我地香港飯..........

而且佢地真係好好~超好....... concert 超好睇................

偷偷聽到某飯說v6 con 比arashi con更好看.......

當然2團的con~ 我都覺得好好看~

不過說真的.........V6 con感覺好像親切一點!!!!

而且沒有junior 跟身~ 舞台只有他們6個........ 感覺更投入!!!

真的希望希望V6 在事業上~ 再創高峰~ 雖然係微D~

不過他們的努力~ 飯是見到的!! 大家都願意繼續支持V6!!

希望V6之後一切順順利利!!! 身體健康!!!!

luv u all~ *

P.S

20/11 加埋我約有20個香港係台灣機場禁區內接v6 機~ 哈哈

真係超近~ 基本上由佢地一落機行出C7個門口~ 比記者影完相~

我同HIROSHI 大部份時間~ 並肩而行咁濟..........

真係冇想過可以近得咁誇張................ (我偷偷地摸左佢個袋一下, 嘻嘻)

當時只怪本人日文太爛...........不能同佢講D咩!!!

見其他fans 都比信......... 我先醒起我書包有盒糖..........( 原先係比自己食~ 唔係比佢)

我樣衰衰地比hiroshi........佢禮貌地唔要......... 因為佢地唔收得........

不過我同佢講~ 明天con 要加油!! 佢有點頭同笑...........嘻嘻!!

睇埋佢地過海關.......... 我地就concert 見喇!!!!

因為趕唔切出閘見佢地............不過知道有好多台灣飯接機都安心d~