正一……

請用「正一…」兩字作句

句子一：

「正一奸商」

早排同朋友去厚福街，

好揀唔揀，

揀咗間「正仁利」潮州飯店！

一入到去，

伙計笑口淫淫，

又凍蟹又螺片豆苗，

嘩！

潮州舖d響螺片，

連殼秤、逐兩計，

佢唔貴唔介紹，

我地梗係啋佢都傻！

句子二：

「正一前後兩個樣」

我地只係叫幾個小菜！

條友d笑淫淫即時收返，

使唔使咁現實先？

句子三：

「正一燒鵝價錢，蔗渣味道」

講到d餸…

鹵水拼盤，有咸味冇香味！

凍魚，算滑但冇魚味！

炒蠔仔，呢個還可以！

豆苗太老！

芋泥太甜！

咁嘅服務，

咁嘅質素！

再去果位，

就真係「正一傻仔」！