打風的日子

10.08.2007 今日成日都烏天黑地，下着傾盆細雨，屋企黑沉沉，好得人怕，惟有留在安窩瞓覺(我嘅睡房設在肥妹cookie電腦房的上格牀，近窗口、風凉水冷且有無敵街景)，突然狂風夾大雨由窗口吹入嚟，整到安窩盡濕，該死的弝cook，返工唔記得柵窗，攪到我無處棲身，嗚嗚.....更可怕的事情繼續發，突然 間"呯！"一聲，嚇得我騰騰震，喺丁方400呎的小屋內標嚟標去，初初我以是行雷，唉！原來又是肥cook 的傑作，佢又唔記得柵廁所嘅窗，狂風將我去方便嘅地方嘅門吹埋咗，我驚到標咗入牀下底，有咁實mei咁實，忽然眼前出現一隻成個月未見過老友--強仔，佢本來有八隻腳，而家剩番七隻，其中一隻喺我細個果陣，唔覺意比我整甩咗，記得細個時屋企好多曱甴，我成日同佢地玩，唉唸起都唔安樂，强仔有好多兄弟比我玩到雞咗，强仔喺幸運嘅一個。同強仔玩咗一陣，我聽開門聲，"斑仔！班仔！" 好咯！救星到，原來喺趙先，衹聽見佢講：乜八號風球都咁大獲！"班仔！班仔快啲出黎！你喺唔喺吹咗落街呀！" 我與強仔講拜拜後就由牀下底捐出嚟，不過强仔呢次又唔見咗條鬚，多可憐。我見趙先着條短褲，成身濕晒，佢模吓我嘅頭，"斑仔乖，有冇嘢，你主人掛住你，特登打電話叫我嚟睇你呀" 嘩！原來肥cook 對我咁好，趙先比咗啲嘢我食，就開始屋，清理我嘅安樂窩，做完之後同我玩咗一陣，就企喺窗前睇窗外嘅打風盛况，我見佢睇得咁高興，我又擒上窗頂睇埋一份，的確又幾正喎！請睇吓我張覩仔相，就知我睇得幾投入。