我想見你地啊！

小妖們，係芷晴的瘋狂催迫下，我打卜喇！

其實都唔係我唔想打，而係開學到而家實在太多野做喇！每日放工都只有一個感覺，就係可唔可以唔郁！我條腰唔知點解呢個月勁痛，個人的體力呢，差左好多！唔通……我真係老？

今年我好唔好彩又要教返五年班中文，但果班人呢，同你地以前有得揮！教到我叫救命呢，好慘。不過呢，教佢地都好的，起馬多個人疼下佢地佢地無咁易壞嘛！係呢，你地近排點呀？有無乖？當然無！我都估到……

有時呢，朝頭早返工會見到一班畢業生返學，有D會唔識人，但都仲有好多人會叫我，我聽完之後都會好開心，起碼知道自己唔係教左一班無良心出來嘛！見到你地大個左，感覺好好！

十一月廿一日學校有個舊生會聚會，如果無野做的話就返來玩下，順手入會啦！果日有野食，有野玩，如果係會員（交左錢的話）係免費的！我果日會返的！你地有邊個會返來的，就msn或者係度回我啦！

有時間再同你地講，我而家要去食飯，之後就去訓！我就來累死了……