~札幌拉麵 X MONSTER SUSHI~

琴日收左工, 就同大少去醫肚

睇雜誌話尖沙咀利時對面個間改左名既拉麵店個老闆

係之前DOMON個廚師頂左間舖做

咁都應該味道會仲係原汁原味喇~

(事關搬左走個間DOMON開左係朗豪坊, 味道確實........)

餃子- 味道同以前一樣~ :)

外面仲係煎得脆脆, 加埋餃子汁, 一流

AKAKE (唔記得係咪咁串) 拉麵

豉油味 - 普普通通無咩特別

塊叉燒好淋好好食, 但個麵底我覺得麻麻....有少少"簡"水味

麵質又唔夠彈牙

螃蟹拉麵 - 條蟹柳好鮮味, 正!!

麵豉湯底好好味~

食飽飽行左去利時後面個叫"DNA"既商場行

個度第一二層好0岩女仔行, 個度D野樣樣都好靚

睇見樣樣都好想買, 真係帶多D錢都唔掂

仲有得DOO八逹通.....

但俾錢最唔方便就係下下都要拎收據去俾錢然後再返轉頭攞貨

就好似去CITYSUPER個FOODCOURT買野食咁.....

好耐無夾糖食, 夾左D返屋企~~~

係個度.....

我樣樣都忍住唔買....

但有樣真係忍唔住唔買唔安落

好WILD既豹紋底底~

一條俾個男sales摸過唔知幾多下既底底......./_\

點解間舖買內衣底底會係幾位後生仔架......

著之前要用1:99 切底消毒先好著!!

行到攰, 去左STARTBUCKS坐底休息下

HONEY ORANGE LATTE

超好味, 每啖都充滿橙既香味

而味道又無蓋過咖啡既味道

由頭飲到落尾都KEEP得到有橙香先正!!!!

唔似平日其他地方D飲品咁, 飲幾啖就無左個香味係度

晚飯~~~因為有COUPON關係, 去左MONSTER SUSHI食

三文魚壽司- 不過不失

三文魚籽壽司- 三文魚籽個衣好薄, 所以咬落去無脆開爆出黎既感覺

海膽壽司 - 海膽唔夠濃味

2款壽司個紫菜通哂風淋架..../_\

前: 松露"車立"魚壽司- 無味道,,,,,

後: 帆立貝壽司- 雖然幾厚肉, 但食落去又無帆立貝既味道

鰻魚壽司- 呢個燒得好好味, 汁又好, 魚又淋, 呢個超讚!!

雜誌相片- 理想

雜誌介紹

個樣似模似樣都幾靚~

打開......

現實!!!!!!!!!!!!!!!!!!!!!!!!

佢面頭扮有個孔流出黎既流沙海膽堅流!!!!

絶對欺騙左我既感情!!!!!!

同個待應講話點解會咁

佢回應我係因為個飯糰燒過所以入面俾D飯吸收左!!!!

但我試過味, 係絶對無海膽既成份!!!!

仲要砌詞唔認!!!!

哼!!!我緊係要佢CUT左呢張單喇!!

事後格離抬D人叫, 食完都話入面無野得舊飯

厄人架!!!!

大蝦天婦纙..........

出黎係超細粒粒粒粒粒.......=.=

味道幾好, 外面脆脆咁幾特別....

但其中一舊係只有脆漿....没有蝦........

佢都厄得我透LA....../_\

三心兩意- 第一同第二舊都OK可以接受, 但都係無乜味道.....

最尾個舊好難食, 舊魚食入口好水呀.........超怪!!

COUPON附送既雪糕....

佢唔係雪糕, 食落去係SHERBET黎........

完全係當我地係ROBERT/_\