~澳門 - Day1 morning~

2009年10月27日早上7點幾出發lu~~~

8點幾抵達上環港澳碼頭......一個超混亂超舊超污濁超多大6人既地方!!!!

如果唔係大少話想坐TurboJet既Jetfoil, 我寧願打孖食暈浪丸都唔想黎呢邊搭

講返隻船, 就真係幾好坐, 張chair幾舒服, 開船又好似水上飄一樣

只係去程成船都係大6人, 超嘈...回程時前面有對喪咀老外啜左成粒鐘嘈住哂...

Da登~~呢個時候, 大少拎佢出黎玩la~

無錯, 我係借家e咁話帶bb去, 實質就係成雞偷龍轉鳳, 由大少揹住既bb變左做猩猩仔

烏丫仔: 好喇, 見你咁乖, 錫啖你先~

落船等左25分鐘先有接駁車, 等車個度又係超多大6人, 仲要煙味+汽油味

真係辛苦屎 >0<

好辛苦咁黎到今次住既酒店PONTE 16 (十六浦)喇~

酒店方面大少揀既, 佢話呢間靚超靚超好又唔污漕~ (點靚??遲d會講架啦)

大堂

天花

lip入面既天花

呢個係我 =P

由於我地太早去到, 所以無房....

但原來枱面個哥哥仔除左服務態度好, 又真係有做野架

好似我地早上check in唔到, 中午去返佢地係有record我地黎過架

仲預留左我地request 既靚房俾我地~so good!

無得攞房, 就放抵行李, 然後出發LU~

開始喪食!!!!!

第一間, 南屏雅敘

好近酒店

叫左3樣野食~

叉燒蛋治

勁勁勁好食!!!!估唔到呢個配搭係可以咁好味架

沙翁

見到openrice好多人食, 我又要試

我鐘意佢個外皮, 脆脆又食到糖d砂砂聲, 味道又香口

但中間個舊淋淋濕濕feel 既糕身我就唔鐘意無食到~

食完就搵巴士坐返去返碼頭搵轉駁巴士去HardRock Hotel

本來我地係打算去威尼C人先既, 但因為時間關係, 所以黎左呢間先

好彩係黎呢度先咋, 因為搭接駁巴士佢會派睇龍騰既換領卷架!!

唔係就真係唔知點樣係酒店入面搵到張卷黎換龍騰飛

入到大門, 有個好大既水幕

間唔時佢會有d美人魚游出黎~ (but....d美人魚好醜樣=0=)

換左飛喇~~~未夠鐘睇, 所以周圍行下

天花一

天花二

影下相好快就差唔多夠鐘la~~~排隊睇天幕show

入到去~~~未開始已經好有強戰世界feel

個噴水野收埋左上去la~~佢地都關門預備開始

成場都有d好醜樣既龍飛黎飛去唔知仲乜.......

去左魚魚世界

又到唔知仲乜時間

突然有個唔知乜人魚既野發緊癲

呢幕水母好靚呀~

其實有幕係八爪魚係我地上空行過係最正架~

但我影唔切.....

整體黎講, 如果問我同大少呢, 就真係覺得麻麻地好睇

d龍唔知仲咩事發哂癲, 係度we we wa wa, 成套野係無對白(呢個未睇時已經知)

睇左好耐個感覺係覺得佢無主題係度, 

之前見強戰世界個d母母竟然係個show正式開始時係無出 過場

又無啦啦有粒應該係龍珠既野一支箭咁由地升上天無左.....

其實如果佢係咁, 不如係條龍飛黎飛去時加d燈加d風, 加d噴火既暖氣會好好多

而家咁......真係一個字...「怪」