蠻牛沖天‧暗藏殺機

早前已說過, 牛三經已來臨, 大市氣氛升温, 連中一、二學生和七旬老人也在談論大市市況,
屬 "通街股神" 局面。雖然大市近日表現相對牛皮, 但大市温度有增無減...

以下是我近日的所見所聞與感想:

1) 在街上看見五、六名中一、二學生, 在高談闊論:
     " 喂, 我鐘意358呀, 生產力好, 增長力大, 介紹下畀你地吖! "
     " 銅價好似跌喎! 得唔得架? "
     " 我就鐘意883中海油多d啦, 油價向好, 又穩陣"...
    
     幾位學生不但暢談股票, 更進行推介, 並提出論點支持, 好像專業股評家般, 實在令人擔
     憂；幸好話題未有涉足大炒股, 認股證, 和期貨, 否則大市堪虞。

2) 經過股票行的時候, 入去觀察, 除人群外, 還看到三五成群的主婦...
     " 我隻新數碼喺四個半買, 今日升到六蚊放左! "
     " 你就好啦, 我隻286郁都唔郁咁呀... 係呢! 甲師奶呀! 有咩好介紹呀? "
     " 419 呀, 292 泛海呀, 355我都入左幾球! "
     " 嘩, 你地咁din呀, 唔驚咩? "
     " 唉, 乙師奶, 你太細膽啦! 怕咩唧! "...

    幾名主婦在談話中, 都在談論一些四五線垃圾股, 有人甚至問其他人有何 "心水", 而有人
    亦順應要求講了幾個垃圾股 "冧巴"。幸然, 有一位主婦仍未受狂熱氣氛影響, 保持清醒。

3) 經過新華文軒(0811)收票行, 進入拿招股書參閱, 見到一位七旬老婆婆:
     " 婆婆, 有咩幫到你呀? "
     " 我嚟抽百"泥"呀! "
     " 婆婆, 百麗截左票喇。"
     " 唔緊要啦, 求其畀張 "方" 我填啦! "
     " 婆婆, 要唔要招股書呀? "
     " 唔使呀! 畀張 "方" 我得喇! "
     " ...... "

    七旬老婆婆連那隻股票在招股也不知, 就盲目抽股, 實不應該。不過此卻正是普遍香港人
    不作分析就盲目投資的縮影。

此外, 近期的財星看好的態度, 愈趨瘋狂, 甚至間接鼓勵散户高追, 詳細情況請到:
http://hk.myblog.yahoo.com/rsbcheng/article?mid=74&prev=81&next=65    

看來這蠻牛已往山上最高峯昂首邁進, 速度漸趨加快, 而狂牛和狂牛的駕馭者亦漸漸變得驕
橫跋扈。不過, 在他們傲氣地向山頂出發的時候, 狂牛的最大敵人 "強熊" 已經在山頂埋伏,
準備在狂牛瘋狂得不可收拾的時候, 把牠一手推下萬尺深淵。

還是四個字: " 小心謹慎 " !

申報權益:
在1.2元止賺26000股華翔微電(1195)
在3元購入10000股永發置業(0287)