跟高跟鞋…暫別！

今日好開心！收到同事C的手信！好可愛的手信，山長水遠hand carry…好有心吖…謝謝！

呢排好忙…冇乜時間寫Blog，都好…抖一抖！

今晚…約了讀大專的同學仔食飯，原來，對上一次見面已經係一年多前的事，好在話題不絕！

回到家休息一回，腳很攰！我跟朋友仔說過，我的腳長大了(為什麼其他部位不再發育呢…該長的不長！豈有此理…)，他很懷疑，但為什麼我的鞋往時合適，現在迫腳？

順道看看日前被鞋迫到生小水泡的腳趾，再細心看看之前腳甲有撻白白地的右腳指公(大概是因著了不合尺碼的鞋子而令新長的腳甲起泡！)

我手痕用指甲鉗挑下搞下磨下…天啊，呢忽白甲原來被迫起了，不是小片，原來範圍很廣！唔貼肉生，離咗甲但又唔太痛，因為忽肉仲有一片薄薄的甲" 頂住檔 "，結果白色離甲的被我鉗走，依家隻指公無端端中間冇咗小片腳甲，好驚呀，要用膠布包住，唔想佢感染同咁肉酸呀！！！

為咗唔令甲甲惡化，嚟緊的日子雲妮要跟心愛的高跟鞋、高跟boot暫別一輪，做住小矮人…