慈惠親子郊遊日

2009-10-31 ( 星期六 )

十月三十一日呢個日子真係好開心!

因為當天係萬聖節，

又係我婆婆生日嘅大日子，

亦都係我旅行嘅大日子，

當天非常忙碌，

而當日大清早，

媽媽約七時四十五分已經弄醒我，

因為媽媽是一個很準時的人，

以免遲到。

所以大家都很早便起身梳洗，

約八時二十分就回到學校，

大概八時四十分準時上車，

今次旅行的目的地就係．．．．．．

路環石排灣郊野公園，

到咗目的地之後，

梗係要搵番自己班的老師先啦，

跟住嚟張大合照，

戴帽嗰位靚女就係我班主任－－李老師啦，

聽媽媽講李老師好好人架，

佢只係喺呢度教咗兩年書咋，

影完相之後，

我約埋班裡面其中兩個同學，

一於三人行，

因為平時放學我哋都會拖住手一齊行架，

而係旅行嗰日，

媽媽話除咗要親子之外，

仲要識多啲朋友仔架，

所以當日我哋經常走埋一齊，

學習同同學相處之道，

甚至連玩遊戲都一齊架，

係咪好好朋友呢？

玩到咁上下，

我哋一齊開餐啦，

我哋仲分甘同味添！

食飽之後，

我哋一行三人去到自然教育中心，

今次個主題係講蝙蝠架，

原來果度仲有嘢玩添架，

而且又可以畫吓畫，

亦都有視視睇，

睇吓右下角就知我睇得幾投入。

到咗玩遊戲時間啦，

我哋三個都好留心聽老師講解，

係咪好留心呢？

一共玩兩個遊戲，

第一個要同爸爸或者媽媽一齊玩，

媽媽梗係同我一齊玩，

而爸爸梗係負責當攝影師啦，

媽媽還讚我老師一講我就明白點樣玩，

而第二個遊戲就要靠自己囉，

結果我一勝一負哦，

玩完遊戲之後，

再坐多半個小時，

我哋就要乘車回家，

當天真係玩得很開心呀！