黑沙公園

2009-06-28 (星期日)

星期日早上，我同媽媽好早就起咗身啦，

之後爺爺打電話比爸爸叫我哋去飲茶茶，

我哋就話好呀，之後，我哋又去到飯堂飲茶，

姑媽叫咗一碟蛋撻，一個表哥一個係我，

呢度啲蛋撻好好味架，睇我食到連個鼻鼻有都知啦。

之後我哋諗住車嫲嫲返屋企，

後來爸爸多口問嫲嫲去吾去黑沙行吓呀，

嫲嫲竟然答好呀，

我哋三個都覺得好出奇（因為嫲嫲平時係吾會出街架），

見嫲嫲都話好，咁就決定去黑沙公園，

睇吓爺爺幾厲害，

連嫲嫲都教我點玩呀，

嗰日我真係好開心呀！

然後媽媽便同我玩吹波波，

連嫲嫲都同我一齊玩呀，

但好快我全身都濕晒啦，

跟住又玩打鞦韆，

媽媽知我鐘意揸車車，所以帶我去玩，

原本我冇得玩架，因為個工作人員話我太細個啦，

係吾比玩喎，而且剛剛下咗一場雨，

地下有點滑，怕我同媽媽會滑倒，

但係媽媽同嗰姨姨講佢會小心睇實我，

姨姨聽到同埋見到我哋成家人一齊嚟咁有誠意，

佢就決定比我玩啦，姨姨都好好人，

提醒我同媽媽都要小心ｄ，

我好快就上車啦，不過真係有ｄ困難，

控制吾到架車車，要由媽媽教路，

玩到不夠二分鐘，我就吾想玩啦，

我只好喺度推車車，

媽媽見到之後，佢就不停咁教我，

同我講繼續玩啦，如果吾係就嘥晒ｄ錢錢架啦！

聽完之後，我唯有再試吓啦，

又ok喎，後來我仲玩得吾錯添，你哋睇吓！

十五鐘之後，要交車車啦，

然後我就駛番入車房啦！

我哋諗住同爺爺嫲嫲去歎high tea架，

但嫲嫲見到天色有變，佢就話要返屋企啦，

睇吓啲人已經係咁走係咁走啦！

後來吾夠五鐘已經下大雨哦！

而我玩得好累啦，我好快就喺架車車度瞓着咗囉。

後記：我今日真係玩得特别開心呀，因為有爺爺嫲嫲陪我一齊去玩囉！