祐祐的心底話？

今天早上，祐祐和妹妹如常地衝入爹爹媽媽房叫我們起床。小兄妹爬上床上大叫大跳。妹妹拿起床頭的育兒書藉，每見到BB的相片便叫「BB...BB...BB」，十分可愛。

其中一本書的封面是一個媽媽抱住BB，妹妹用小手指指著相片說「BB ... BB」。此時，在妹妹床仔跳來跳去的祐祐指住妹妹說那個是BB和媽媽才對。

他大聲叫嚷說：「妹妹，你唔啱呀！妹妹成日都唔啱，成日都好曳呀！媽咪，我哋買個新妹妹呀 ... 換個新妹妹呀！呢個妹妹好曳呀，打交呀！媽咪，我哋要換個新妹妹呀！」

我一時不知如何應對，只能對他說：「祐祐，妹妹冇得買個新的冇得換嫁。」而妹妹應該不知哥哥說什麼，只顧自己把書翻來翻去。

祐祐重覆說多數次要換一個新妹妹，然後便和妹妹一起跑出廳玩。

隔了一會，我走到祐祐身旁對他說：「祐祐，妹妹有時好曳，但有時都好乖。如果妹妹曳，我哋就要教佢。其實妹妹好哥哥，又會同哥哥一齊玩。不如我哋睇吓同妹妹一齊玩乜嘢呀？」接着祐祐便和妹妹一起玩 Bob-the-Builder 玩具。