網誌分類：未分類 |
成8年喇... 我終於第2次係夢見阿芳, 上一次係佢返黎話我知要去投胎, 只係一個好短既夢, 但今次就唔同喇, 今次可謂一家人總動員一齊出動, 竟然一個都冇漏!
咁耐冇見喇, 我當然最留意阿芳啦, 我地一齊去左海邊玩, 一路行, 一路有講有笑, 佢著住牛仔褲, 綠色衫袖既黑色褸, 個樣同佢細個一樣, 冬菇頭~ 我本身好少會發夢咖, 真係好難得可以見到佢, 好耐都未試過咁開心喇!
發夢發到一半就醒左, 因為未天光, 同埋好想入返個夢入面, 所以就再訓過, 但係就訓唔返LU~ 不過起碼可以見到阿芳, 唔知係唔係話因為我自己一個人係埃及, 所以佢黎陪下我, 仲記得上一次夢見佢, 我醒左之後仲即刻打電話返去話比我爸媽知... 真係好希望佢多D返黎探下我... 而家只剩返一段段回憶...
****
我老婆終於PASS左筆試喇, 希望可以一次PASS埋路試啦~ 加油呀!!
佢上一次渣車, 就係係埃及, 果次既教車師父咪就係我囉, 如果我當然耐心D教佢, 可能而家都識渣車LU~ HAHA~
****
最近想買多D貨, 但太多人搶喇, 因為過多1個月, 又到宰生節, 聽講要放1個月假, 而家D貨好似唔洗錢既咁, 好貴, 仲要排隊等貨, 要排1個月先有少少貨呀... 點做呀~ 大陸方面, 生意又唔係話好好, 真係要認真諗清楚, 未來要向那個方向發展, 希望做得好D啦!
20080529134.jpg
20080528133.jpg
20080819209.jpg
妹妹 2009-10-25 00:57
明天我會同媽咪去探二家姐喇, 我都好想夢到佢, 可惜從來都沒有, 不過唔緊要啦, 我知佢會感覺到我唔駛佢擔心的~
阿嫂, 加油, 遲D架車你都可以用喇~ 哈哈~
丁家貓夫人 2009-10-25 00:49
你夢見阿芳, 我都替你開心呢~~~
我都好想見家姐...
不過我成日都總覺得, 佢其實就O係我身邊...
你仲好講, 你之前教我兩句就忟忟憎憎咁...
我先唔要你教呀~~~