前幾日我打比老婆之前, 我打比我媽咪, 打左2日, 打左不下10次, 佢都係一直係咁喂....喂...喂... 你邊位呀, 跟住就CUT線, 跟本就冇等我出聲, 係埃及打長途, 有時好難先打到出去... 而且打一個電話出去, 最少要用2分鐘先打到, 我想打電話同老婆訴苦, 打去比佢, 就得知姑丈出殯, 當然唔想佢唔開心啦, 本來都想安慰下佢, 但當我知道晴晴都去, 本來已經忟忟地既我, 就好似火上加油咁, 好嬲, 晴晴咁細個, 跟本唔適合出席呢D場合, 加上佢竟然將姑丈既死, 同我話佢扯上關係, 就更加嬲... 姑丈走左, 我都唔開心, 我地都係一家人, 即係佢死左親人定係我死左親人無異, 但佢仲可以大大聲講"我而家死左親人, 你仲鬧我" 黎講, 好似要話晒比佢身邊所有既人知, 我諗咁只會令到姑媽更傷心, 咁簡直係用姑丈黎過橋, 我當時真係好嬲好嬲囉~ 所以我就講左一個字咁多既粗口, 話"屌, 點解個個都係咁咖~"
算啦, 反正只有我是錯, 我知道講粗口係我唔岩, 佢只會是對的, 對唔住!!
KaleenFungSchoolofDance 2009-09-28 13:30
~當仔~ 2009-08-20 01:57
唉....清官難審家庭事,沒一定的錯同對,因為大家的觀點唔同.....最緊要以和為貴!!!!!!!!!!!!
Princess0614 2009-08-18 17:48
丁生, 冷靜點
無話你錯晒
但係
始終同"姑丈"有回憶的是夫人
你應該體諒佢既心情吧
晴晴去都係去教堂
你應該聽你老婆講ga
佢唔開心時你唔係身邊
作為一個男人
聽完佢呻先唔過份吧
你都有你的難處
一個人係出邊風大雨大
但係你太太真係好偉大
一個女人仔擔起成頭家
佢真係一個好太太來的
你要珍惜呀
唔係話下佢唔得
只係大家溝通不足
罵之前不妨好好傾下
等佢發下脾氣
一個女人仔
無老公係身邊
帶住2個小朋友
仲要返工
你諗下佢幾慘
唔心痛咩?
丁家貓夫人 2009-08-17 18:03
"我而家死左親人, 你仲鬧我"
難道你覺得我講錯嗎...
我已經好傷心...你無安慰我反而不停鬧我...
你當時有無諗過我感受?
丁家貓夫人 2009-08-17 18:01
咁即係你依然覺得自己無問題...
你究竟知唔知咩叫尊重...
wInG 2009-08-16 06:54
B B2009-08-16 12:30
何子, 係唔係我唔岩, 永遠做錯事的只有我~
話下佢都唔得, 係唔係咁~