網誌分類：未分類 |
我屋企到底係咪香港... 我成日都覺得我似埃及人多過香港人!
黎左埃及咁多年, 真係覺得好浪費時間咖! 錢又搵唔到, 時間又無晒! 有時真係好矛盾, 又想為爸媽出一分力, 孝順下佢地, 有時又會想... 點解要咁傻, 用晒自己D時間去做野, 到頭黎做左D乜出黎... 一D成績都見唔到!!
好懷念讀書o既時候, 同成班同學仔一齊玩~ 又可以聊下我老婆, 幾開心呀! 原來咁快就10年喇! 時間過得真係快... 仲記得10年前第一日開學, 隔住玻璃窗比我老婆問我識唔識一個幾高下, 叫阿智o既人喎! hehe~ 諗起都覺得好笑! 點解會幫人問咖! 仲有同果兩個兄弟, 日日都好似個連體人咁樣, 點都分唔開, 雖然而家疏遠左少少, 各有各忙, 但始終都係兄弟!
我好希望留o係香港! 如果有一日可以唔洗再黎埃及, 日日放工同我老婆同B女一齊, 咁就夠喇! 當然唔少得兩個兄弟三更半夜叫我出去玩下, 傾下計啦~! 咁樣我老婆先會鬧下我嘛~ heheee...
其實我自己已經定左目標, 下年5月如果繼續做埃及, 就做到下年年尾收工!!! 我會同爸爸講, 雖然之前都講左好多次, 但都繼續做, 對我老婆黎講, 我已經無晒信用, 不過今次一定堅持唔做! 呢段時間我要慢慢收返D錢, 點都要對公司有個交代先得!
希望可以快D到下年, 告別埃及... 咁我先可以擁有真真正正自己理想o既生活... 我唔想再比錢綁住, 我要享受我人生, 享受一下家庭樂!! 我唔要再返幾個月工就放一個大假, 我要做返一個平常o既人~~~
20080820217.jpg
20080820216.jpg
20080820214.jpg
B B 2007-09-09 10:46
銀仔 2007-09-07 00:41
阿泰... 你咁就過左十年光陰lu...
頭髮都甩晒lu~
時光一去不復返...
By MaMa Milly 2007-09-04 16:47
老公你會唔會搞錯左呀...
開學o個日, 係你同我講野先架...
By MaMa Milly 2007-09-04 16:47
又要用panda先生飲歌中的一句歌詞：
「我會耐心地等，等你有一天靠岸...」
B B 2007-09-04 16:02
amkiki 2007-09-04 13:47
其實長期同家人分開真係好慘架, 希望你快 d 賺夠錢番來香港陪下屋企人啦