路痴~

我一向都係路痴夜晚就更怎, 哈哈!我平時出街多數都係去個幾樹地方,

尖咀,觀塘, 九龍城.... 我完全是一個九龍人,

不過我尋日去左西九中天地睇"小豬" concert ,

(都係九龍區)點樣去個場地嘅問題不大,

因為我之前已經係網路上睇左個地圖點去, 仲有家姐都有大約講過下..

九龍站 elements 冰場下兩層.... 咁上下, 所以我都準時去到,

反而我係elements 入面蕩失路,哈哈哈!!行黎行去唔知去左邊,

一直想睇下有咩食,但行左一陣唔係食甜品/cake 之類,就係好以酒樓

最後都去左一間食日本菜嘅地方食左少少野先入場,

熟悉我朋友都知道我老公食野好挑剔,

好多野都唔食炸野/熱氣/魚生/辛辣/油膩.. 唉~~

次次食飯都要我去決定,問左之後又再問...煩呀!

所以我而家都習慣答佢-----"食老麥",如果佢有其他野想食就會say no!唔駛我諗, 呵!

"老麥"我都幾中意食所以唔介意成日去食,

雖然我住九龍城,d人話九龍城好多野食,仲專登入黎食,但我就唔多係九龍城食野.

好以"泰國菜"少食,因為多多少少都有d辣,我都有食開一間個老闆叫"金姐",

由細食到大好熟存喇, 呢間老公都肯食, 不過成日食都會悶喇,

九龍城又有間"牛肉館"好出名, 不過我老公唔俾食牛同埋佢覺得油膩,所以唔去食.

不過我係九龍城都住左兩三年喇, 都仲未對九龍城嘅街熟悉,嘻嘻!

講返elements 呀, 個shopping mail 都幾ok , 不過唔知點解行第一層已經有d頭暈,

轉黎轉去, 之後上多左一層就好d, 不過我就冇行晒成個elements,

因為老公太攰喇, 連續ot 左幾日有一日仲訓得三個鐘頭就要返工喇,

咁我當然會放過佢唔駛佢陪我行喇!不過如果要我一個人行我一定會喊呀,

因為我一定會蕩失路!

P.S 小豬演唱會真係好掂呀!!!就算我唔係fans都好high企係身一齊跳呀!!!!