自大陸返來了，回歸平淡的我

好耐冇打ＢＬＯＧ了，成個農曆新年大部份時間都返左大陸(21/1-29/1)，19/1-20/1難得可以在HK幫SIU LUNG手開年宵檔。今年雖然話經濟唔好,不過托賴成個年宵都EARN左9千大元。算係咁了。

在大陸做了一個星期閒人,今年返大陸的原因係好想見下嫲嫲,佢今年己經八十幾歲了，佢好鍚我架，仲有就係為左兩個堂家姐結婚而返去觀禮，係大陸日日都係過住食飽就睇电視，玩的生活，食既係大陸的特產"扁肉及魚丸"，當然有時會比呀嫲捉住傾下計及不少得的抖利是，之前好快就過完這個星期，要起程返HK了。

和弟妹們坐通宵的直通車回HK,29/1晚上七點半上車,30/1凌晨四點三到黃崗口岸,等左二個鈡先再有接駁巴過關及送我地返荃灣，返到屋企的時間係早上八時三十分左右。之後沖澡,執下野,到左十點半先可以再訓一下咋，然後下午一點度又要出去接SIU LUNG出院了。

2/2正式返返工,都抖左不少利是,最大封係公司的開工利是,HKD500元正,其他AGENT都好豪,大部份都封一百至五十元不等。5/2去左送禮比公司的楊太，在佢屋企食了餐飯，飲了不常飲的紅酒，飲到臉紅了！

今年經濟不好,反而沒有一封利是係預期中的"玩具纸”,其實都唔係話好介意利是內的銀碼，只不過有Ｄ驚奇，當中的心意，不是銀碼去量度的。

5/2 LUNCH同時約了黃太去食LUNCH,識左十年以上的黃太係我時至今日,最保持聯絡的朋友,或者應該話係知己。人生得一知己夫復何求呢？況且上天很眷顧我，給我不止一位知己呢！6/2去了細筒的家長日，老師話主要係英文好差，距離達標很遠,要急起直追才行了,其他科目的成績還算okay，細筒,宜家唯有靠自己了！下午,去黃太娘家拜年(每年都去的)，見到黃太個女穎怡，又大個左了,今年四歲了，黃太話佢同人地玩會發脾氣,但同我就冇,仲好開心,黃太話佢認得我,不過繼我話一定係我太靚女了。hehe...

31/1及6/2晚上faifai都來了我們家玩，打麻雀(因為買了副新麻雀)，賭大細,哈,小賭怡情,新年冇所謂啦....

明日又要返工,過年的MOOD仲未過去,惰意出哂來，慘了。

P.S.過年睇左兩部戲,<<奇幻逆緣>>同<<2009家有囍事>>，兩套都OK架,可以一看,不過<<奇幻逆緣>>有D長,要有精神先去睇呀。